نگہبان رمضان کارڈ کے ذریعے شہری گھر بیٹھے بھی سہولت بازاروں سے خریداری کر سکتے ہیں، سلمیٰ بٹ
سہولت بازاروں کی تبدیلی
لاہور (ڈیلی پاکستان آن لائن) معاونِ خصوصی وزیرِ اعلیٰ پنجاب سلمیٰ بٹ نے اعلان کیا ہے کہ پنجاب بھر کے تمام سہولت بازاروں کو رمضان سہولت بازاروں میں تبدیل کر دیا گیا ہے۔ اس اقدام کا مقصد عوام کو زیادہ سے زیادہ ریلیف فراہم کرنا ہے۔
یہ بھی پڑھیں: وفاقی وزیر تجارت سے چینی کمپنی کے وفد کی ملاقات، دونوں ملکوں کے درمیان برآمدات بڑھانے پر گفتگو
نگہبان رمضان کارڈ کی سہولیات
نگہبان رمضان کارڈ کے ذریعے شہری گھر بیٹھے بھی سہولت بازاروں سے خریداری کر سکتے ہیں۔ صوبے بھر میں 17 ہزار سے زائد کریانہ سٹورز کو نگہبان رمضان کارڈ سے منسلک کیا جا چکا ہے۔ وزیراعلیٰ مریم نواز کی اولین ترجیح ہے کہ اشیائے ضروریہ ارزاں نرخوں پر فراہم کی جائیں۔
یہ بھی پڑھیں: چارسدہ: گیس سلنڈر دھماکے میں دو بچے جاں بحق، باپ شدید زخمی
پریس کانفرنس میں تفصیلات
انہوں نے یہ خیالات ڈی جی پی آر میں وزیر اطلاعات و ثقافت پنجاب عظمیٰ بخاری کے ہمرا پریس کانفرنس سے خطاب کرتے ہوئے پیش کیے۔
یہ بھی پڑھیں: ایران کے تیل ڈپوؤں پر حملوں کے بعد زہریلی فضا کا سامنا ہے، ایرانی وزیر خارجہ
منیارٹی کارڈ میں اضافہ
معاونِ خصوصی وزیرِ اعلیٰ پنجاب سلمیٰ بٹ نے مزید بتایا کہ منیارٹی کارڈ کی رقم 3,500 روپے سے بڑھا کر 10,000 روپے کر دی گئی ہے۔ اب تک 7 لاکھ سے زائد نگہبان رمضان کارڈ مستحقین تک پہنچائے جا چکے ہیں، جبکہ کارڈ کے ذریعے اے ٹی ایم سے بھی رقم نکلوائی جا سکتی ہے۔
یہ بھی پڑھیں: گناہ کی دلدل اور اس کا انجام: زناکاروں کے لیے سبق آموز اور عبرت ناک داستان
رمضان کنٹرول رومز اور تقسیم کارڈ
پنجاب کے تمام اضلاع میں رمضان کنٹرول رومز فعال کر دیے گئے ہیں تاکہ قیمتوں اور فراہمی کی مؤثر نگرانی یقینی بنائی جا سکے۔ مسیح برادری میں بھی ایک لاکھ 57 ہزار نگہبان رمضان کارڈ تقسیم کیے جا چکے ہیں۔
ریاستی سبسڈی اور بچت بازار
جیلانی پارک میں منعقد ہونے والے 3 روزہ رمضان بچت بازار کے حوالے سے بتایا گیا کہ پنجاب حکومت کی جانب سے 3 کروڑ روپے کی سبسڈی فراہم کی گئی۔ اس بچت بازار سے 3 دنوں کے دوران 3 لاکھ سے زائد شہریوں نے استفادہ کیا۔
