بانی پی ٹی آئی ایک دن بھی جیل میں نہیں رہنا چاہتے، جیل میں ان کی لیونگ کنڈیشن اے ون ہے، رانا ثنا اللہ

وزیراعظم کے مشیر کا بیان

اسلام آباد (ڈیلی پاکستان آن لائن) وزیراعظم شہباز شریف کے مشیر برائے سیاسی امور رانا ثناء کا کہنا ہے کہ بانی پی ٹی آئی ایک دن بھی جیل میں نہیں رہنا چاہتے، وہاں ان کا دل نہیں لگ رہا۔

یہ بھی پڑھیں: جشنِ وسیب:محکمہ اطلاعات و ثقافت پنجاب کی جانب سے ملتان میں ثقافتی جشن کا شاندار انعقاد

جیل میں لیونگ کنڈیشن

جیو نیوز کے پروگرام کیپٹل ٹاک میں گفتگو کرتے ہوئے رانا ثناء اللہ نے کہا کہ بانی پی ٹی آئی کی جیل میں لیونگ کنڈیشن اے ون ہے، اور ان کا علاج بھی بہترین ہوا ہے۔

یہ بھی پڑھیں: گل پلازا کے ملبے سے ڈیڑھ کلو سونا برآمد، پولیس نے مالک کے حوالے کردیا

پہیہ جام کی کال

انہوں نے مزید کہا کہ 8 فروری کو پہیہ جام کی کال دی گئی تھی، اس کے لیے ان کی کیا تیاری تھی؟ بانی پی ٹی آئی 8 فروری کو بھی اس یقین میں تھے کہ پورا ملک جام ہوجائے گا۔ یہ عید کے بعد تحریک کی بات کرتے ہیں، لیکن اس سے کچھ بھی نہیں ہونے والا۔

یہ بھی پڑھیں: ٹینس لیجنڈ اور نوویک جوکووچ کے سرپرست نکولا پلیچ چل بسے

دھرنے اور احتجاج

رانا ثناء نے کہا کہ جس طرح کے انہوں نے دھرنے دیے، اس سے بہتر تھا کہ نہ دیتے۔ ایسے احتجاج اور دھرنوں سے شاید پی ٹی آئی کے ساتھ سازش ہو رہی ہے، یا یہ بانی پی ٹی آئی کے خلاف سازش کر رہے ہیں۔

یہ بھی پڑھیں: اسلام آباد فوڈ اتھارٹی کی کارروائی،ہزاروں لٹر ملاوٹی دودھ تلف ، ایک لاکھ سے زائد جرمانے کر دیئے

سنجیدہ کوششیں

انہوں نے کہا کہ 26 نومبر کو پی ٹی آئی کو کہا تھا کہ ڈی چوک کے بجائے سنگجانی چلے جائیں، آپ سے بات ہوگی؛ یہ سنجیدہ کوشش تھی۔ لیکن تحریک انصاف یا شاید بانی پی ٹی آئی نے انکار کیا، انہیں ایک طرف سے فیڈ کیا جا رہا تھا کہ بس انقلاب آنے کو تیار ہے۔

بشریٰ بی بی کا کردار

رانا ثناء نے مزید کہا کہ بانی پی ٹی آئی وزیراعظم تھے تب بھی بشریٰ بی بی فیصلے کرتی تھیں، اور اس کے ثبوت موجود ہیں۔ اب بھی بشریٰ بی بی نے جو کہا، وہی ہوا۔