پاکستان نے بھارت کے لیے فضائی حدود کی بندش میں مزید ایک ماہ کی توسیع کردی

پاکستان کی فضائی حدود کی بندش میں توسیع

اسلام آباد (ڈیلی پاکستان آن لائن) پاکستان نے بھارت کے لیے فضائی حدود کی بندش میں مزید ایک ماہ کی توسیع کردی ہے۔

نیا نوٹم جاری

’’جیو نیوز‘‘ کے مطابق پاکستان ائیرپورٹ اتھارٹی نے نیا نوٹم جاری کردیا ہے۔ نئے نوٹم کے مطابق بھارتی رجسٹرڈ طیاروں کے لیے پاکستان نے اپنی فضائی حدود 23 مارچ تک بند رکھنے کا فیصلہ کیا ہے۔ بھارت کے تمام رجسٹرڈ ملٹری اور سول طیاروں کو پاکستان کی فضائی حدود سے گزرنے کی اجازت نہیں ہوگی۔

پچھلے فیصلے کی یاد دہانی

یاد رہے کہ پاکستان نے 23 اپریل 2025 سے بھارتی طیاروں کے لیے اپنی فضائی حدود بند کر رکھی ہے۔