ہمایوں سعید کو رومانوی کے بجائے منفی کرداروں کی طرف جانا چاہئے، ماہرہ خان

ماہرہ خان کا ہمایوں سعید کو مشورہ

کراچی(ڈیلی پاکستان آن لائن) اداکارہ ماہرہ خان نے اداکار ہمایوں سعید کو مشورہ دیتے ہوئے کہا کہ انہیں رومانوی کردار چھوڑ کر منفی اور ایکشن سے بھرپور کرداروں کی طرف جانا چاہیے تاکہ ناظرین انہیں ایک نئے انداز میں دیکھ سکیں۔

یہ بھی پڑھیں: وینس نے مذاکراتی عمل میں زیادہ فعال کردار سنبھال لیا ہے، روئٹرز کا دعویٰ

ماہرہ خان کی شہرت

پاکستان کی نامور اور معروف اداکارہ ماہرہ خان اپنی اداکاری اور چلبلے انداز کے لیے شہرت رکھتی ہیں۔ ان کی ہمایوں سعید کے ساتھ جوڑی بےحد مقبول ہے۔

یہ بھی پڑھیں: یوم عاشور پر ملک بھر میں مجالس عزا اور جلوس برآمد

فلم آگ لگے بستی کی پروموشن

ان خیالات کا اظہار ماہرہ خان نے آنے والی فلم "آگ لگے بستی" کی پروموشنز کے دوران میڈیا سے گفتگو میں کیا۔

یہ بھی پڑھیں: کراچی سے شہریوں کے اغوا اور تاوان طلب کیے جانے کا معاملہ، لڑکی سمیت پولیس اہلکار کے بھی ملوث ہونے کا انکشاف

منفی کرداروں کی اہمیت

اداکارہ نے کہا کہ "میرا خیال ہے ہمایوں کو اب منفی کردار کرنے چاہئیں، میں انہیں کسی ولن یا ایکشن کردار میں دیکھنا چاہوں گی جہاں وہ اپنا مختلف پہلو دکھا سکیں۔" انہوں نے یہ بھی کہا کہ ہمایوں ایکشن پر مبنی کرداروں سے لطف اندوز ہوتے ہیں۔

یہ بھی پڑھیں: بہاولپور: سیلاب کے باعث جنازہ کشتی کے ذریعے قبرستان منتقل

فہد مصطفیٰ کی رائے

وہیں موجود اداکار فہد مصطفیٰ نے کہا کہ "مجھے خود ایکشن کردار کرنا پسند ہیں مگر پاکستان میں فلموں کے لیے درکار جدید سہولیات کی کمی ایک بڑا مسئلہ ہے۔"

یہ بھی پڑھیں: پاکستان اور آسٹریلیا کے درمیان دوسرے ٹی ٹوئنٹی میچ کا ٹاس ہو گیا

ایکشن سین کے حادثات

فہد مصطفیٰ نے انکشاف کیا کہ فلم "آگ لگے بستی" میں ایک ایکشن سین کرتے ہوئے ان کی انگلی فریکچر ہوگئی تھی۔

فلم کی نوعیت

واضح رہے کہ ماہرہ خان اس وقت فلم "آگ لگے بستی" میں مرکزی کردار ادا کر رہی ہیں، جو ایکشن اور کامیڈی کا امتزاج ہے۔ اس فلم میں فہد مصطفیٰ بھی بطور اداکار اور پروڈیوسر شامل ہیں۔