میرے غصے سے کسی کا دل دکھا ہے تو معذرت خواہ ہوں مگر میرا غصہ جائز ہے، ابھی تک (عمران خان کو ذاتی معالج تک رسائی کی) چھوٹی سی جائز ڈیمانڈ بھی پوری نہیں کروا سکے، علی امین گنڈا پور

علی امین گنڈاپور کی معذرت

لاہور(ڈیلی پاکستان آن لائن) سابق وزیراعلیٰ خیبرپختونخوا علی امین گنڈاپور نے کہا ہے کہ میرے غصے سے کسی کا دل دکھا ہے تو معذرت خواہ ہوں، مگر میرا غصہ جائز ہے۔

یہ بھی پڑھیں: بھارت کے معروف گلوکار ٹریفک حادثے میں جاں بحق

عمران خان کے ذاتی معالج کی عدم دستیابی

انہوں نے مزید کہا کہ ابھی تک چھوٹی سی جائز ڈیمانڈ بھی پوری نہیں کروا سکے کہ پاکستان تحریک انصاف کے بانی عمران خان کو ان کا ذاتی معالج دیا جائے۔ اپنے ویڈیو بیان میں علی امین گنڈاپور کا کہنا تھا کہ عمران خان کی آنکھ اور صحت کے حوالے سے ہمارے تحفظات بدستور برقرار ہیں، جس نے عوام کو صحت کی مفت سہولتیں فراہم کیں، آج اپنی صحت کے معاملے میں مشکلات کا شکار ہے۔

یہ بھی پڑھیں: امریکی بیڑا ایرانی میزائلوں کی رینج میں آئے گا تو اسے نشانہ بنایا جا سکتا ہے، ایرانی بحریہ کے کمانڈر شہرام ایرانی

یونیورسل ہیلتھ کارڈ کا آغاز

علی امین گنڈاپور نے کہاکہ ہماری حکومت آئی تو ہم نے یونیورسل ہیلتھ کارڈ دیا اور ہر طرح کی بیماری کو اس میں کور کرتے گئے۔ جب بانی پی ٹی آئی وزیراعظم بنے تو انہوں نے پورے ملک کے عوام کو صحت کارڈ کی سہولت دی لیکن افسوس ہے کہ آج بانی پی ٹی آئی کو ان کے ذاتی معالج تک سے ملنے نہیں دیا جا رہا۔

یہ بھی پڑھیں: ڈپٹی کمانڈنٹ نیشنل ہائی وے اینڈ موٹروے پولیس کا پولیس ٹریننگ کالج چوہنگ لاہور کا دورہ

انسانی ہمدردی کی اپیل

انہوں نے کہا کہ میرے غصے سے کسی کا دل دکھا ہے تو معذرت خواہ ہوں، مگر میرا غصہ جائز ہے۔ اگر اس معاملے پر کسی کو غصہ نہیں آ رہا تو میرے خیال میں اس میں انسانیت نہیں ہے۔ ہم سب کو اپنے مقصد پر فوکس کرنا چاہیے اور بھرپور انداز میں آواز اٹھانی چاہیے۔

نئی درخواست

علی امین کا کہنا تھا کہ مطالبہ ہے کہ بانی پی ٹی آئی کے ذاتی معالج کو ان تک رسائی دی جائے۔