بانی پی ٹی آئی کو نہ تو حکومت اور نہ ہی اسٹیبلشمنٹ کی طرف سے ڈیل کی آفر ہوئی ، رانا ثنا اللہ

وزیراعظم کے مشیر برائے سیاسی امور سینیٹر رانا ثناء اللّٰہ نے پی ٹی آئی سے ڈیل کی خبروں کی تردید کردی۔ جیو نیوز کے پروگرام جرگہ میں گفتگو کرتے ہوئے، انہوں نے کہا کہ پی ٹی آئی کو نہ کوئی ڈیل کی آفر ہوئی نہ ہی ڈیل کا آپشن ٹیبل پر موجود ہے۔

رانا ثناء اللّٰہ نے ڈیل کی خبروں کی مزید وضاحت کی اور کہا کہ بانی پی ٹی آئی کو نہ حکومت اور نہ ہی اسٹیبلشمنٹ کی طرف سے کوئی ڈیل کی آفر ہوئی ہے۔ انہوں نے یہ بھی کہا کہ ایسی کوئی ڈیل موجود نہیں ہے، اور یہ معاملہ عدالتوں میں ہی طے ہوگا۔

وزیراعظم کے مشیر نے کہا کہ بانی پی ٹی آئی کی سزاؤں کا فیصلہ عدالتوں میں ہوگا جیسا کہ ماضی میں نواز شریف اور زرداری کے معاملے میں ہوا۔