چین پر انحصار کم کرنے کیلئے انڈیا نے برازیل سے نایاب دھاتوں کا معاہدہ کرلیا
بھارت اور برازیل کے درمیان معاہدہ
نئی دہلی (ڈیلی پاکستان آن لائن) بھارت اور برازیل نے اہم معدنیات اور ریئر ارتھ عناصر کے شعبے میں تعاون بڑھانے کے لیے ایک اہم معاہدے پر دستخط کر دیے ہیں، جس کا مقصد چین پر انحصار کم کرنا اور سپلائی چین کو زیادہ مستحکم بنانا ہے۔ اس پیش رفت کو بھارتی وزیر اعظم نریندر مودی نے ایک بڑا قدم قرار دیا ہے جو مستقبل میں مضبوط اور محفوظ سپلائی نظام کی بنیاد رکھے گا۔
یہ بھی پڑھیں: پی ایس ایل فرنچائز حیدر آباد کنگز مین نے گلین میکسویل کو سائن کرلیا
باہمی تجارت اور سرمایہ کاری کی بات چیت
الجزیرہ کے مطابق برازیل کے صدر نے ہفتے کے روز نئی دہلی میں نریندر مودی سے ملاقات کی، جس میں باہمی تجارت، سرمایہ کاری اور اسٹریٹجک شعبوں میں تعاون کے فروغ پر تفصیلی بات چیت ہوئی۔ دونوں رہنماؤں نے خاص طور پر قابلِ تجدید توانائی اور اہم معدنی وسائل میں سرمایہ کاری کو دوطرفہ تعلقات کا مرکزی ستون قرار دیا۔
یہ بھی پڑھیں: وزیراعلیٰ پنجاب کا چاند رات پر بازاروں میں اضافی نفری تعینات کرنے کا حکم
چین کی اجارہ داری اور عالمی مسابقت
عالمی سطح پر چین اس وقت ریئر ارتھ اور دیگر اہم معدنیات کی کان کنی اور پراسیسنگ پر غالب حیثیت رکھتا ہے، جبکہ حالیہ مہینوں میں اس نے برآمدات پر اپنی گرفت مزید مضبوط کی ہے۔ دوسری جانب امریکہ چین کی اس اجارہ داری کو توڑنے کی کوشش کر رہا ہے، جس کے باعث یہ شعبہ عالمی طاقتوں کے درمیان مسابقت کا مرکز بن چکا ہے۔
یہ بھی پڑھیں: دیور نے دو ساتھیوں کے ساتھ مل کر 6 ماہ کی حاملہ بھابھی کو اجتماعی زیادتی کا نشانہ بنا دیا، مقدمہ درج، ملزمان کی تلاش جاری
برازیل کی معدنی وسائل کی اہمیت
برازیل کو دنیا میں اہم معدنیات کے ذخائر رکھنے والا دوسرا بڑا ملک سمجھا جاتا ہے۔ اس کے معدنی وسائل الیکٹرک گاڑیوں، سولر پینلز، اسمارٹ فونز، جیٹ انجنوں اور گائیڈڈ میزائلوں سمیت متعدد صنعتی شعبوں میں استعمال ہوتے ہیں۔ بھارت، جو تیزی سے صنعتی انفراسٹرکچر کی توسیع کے مرحلے سے گزر رہا ہے، ان وسائل تک مستحکم رسائی چاہتا ہے تاکہ اپنی معیشت اور دفاعی پیداوار کو تقویت دے سکے۔
یہ بھی پڑھیں: پہلگام فالس فلیگ آپریشن، “را” کی لیک دستاویزات میں چونکا دینے والے انکشافات، بھارتی میڈیا کو کیا ٹارگٹ دیا گیا تھا۔؟ جانیے
معاہدے کی تفصیلات اور مزید سمجھوتے
معاہدے کی مکمل تفصیلات ابھی منظرعام پر نہیں آئیں، تاہم یہ واضح ہے کہ بھارت اپنی سپلائی چین کو متنوع بنانے کے لیے سرگرم ہے۔ نئی دہلی میں قائم تھنک ٹینک کونسل آن انرجی، انوائرمنٹ اینڈ واٹر کے ماہرین کے مطابق بھارت نے حالیہ عرصے میں امریکہ، فرانس اور یورپی یونین کے ساتھ بھی اہم معدنیات کے حوالے سے روابط بڑھائے ہیں، اور برازیل کے ساتھ یہ تعاون اسی سلسلے کی ایک کڑی ہے۔
یہ بھی پڑھیں: عمران خان کی خود کو دی گئی وارننگ: انصار عباسی کے سوالات تحریک انصاف کے احتجاج پر
تجارتی شراکت داری کا فروغ
دونوں ممالک کے درمیان اس موقع پر اہم معدنیات کے معاہدے کے علاوہ مزید نو سمجھوتوں پر بھی دستخط کیے گئے، جن میں ڈیجیٹل تعاون سے لے کر صحت کے شعبے تک مختلف یادداشتیں شامل ہیں۔ نریندر مودی نے برازیل کو لاطینی امریکا میں بھارت کا سب سے بڑا تجارتی شراکت دار قرار دیتے ہوئے کہا کہ آئندہ پانچ برسوں میں دوطرفہ تجارت کو 20 ارب ڈالر سے آگے لے جانے کا ہدف رکھا گیا ہے۔
امید کا اظہار
بھارتی وزیر خارجہ نے بھی اس امید کا اظہار کیا کہ دونوں رہنماؤں کی ملاقات دوطرفہ تعلقات میں نئی رفتار پیدا کرے گی۔ اقتصادی اعداد و شمار کے مطابق 2024 میں بھارت کی برازیل کو برآمدات 7 ارب 23 کروڑ ڈالر تک پہنچ گئیں، جن میں ریفائنڈ پیٹرولیم نمایاں رہا، جبکہ برازیل کی بھارت کو برآمدات 5 ارب 38 کروڑ ڈالر رہیں، جن میں خام چینی سرفہرست تھی۔
