ملک میں رجسٹرڈ آبادی کتنی ہے؟ نادرا نے تفصیلات پبلک کردیں

نادرا کی آبادی کے ڈیٹا کی تفصیلات

اسلام آباد(ڈیلی پاکستان آن لائن) نیشنل ڈیٹابیس اینڈ رجسٹریشن اتھارٹی (نادرا) نے ملک میں رجسٹرڈ آبادی کی تفصیلات جاری کر دیں۔

یہ بھی پڑھیں: حافظ آباد: پی ٹی آئی کے ضلعی سیکرٹریٹ پر تالا لگادیا گیا

سالانہ رپورٹ کی جمع آوری

روزنامہ جنگ کے مطابق نادرا نے اپنی سالانہ رپورٹ وزارت داخلہ میں جمع کروا دی ہے اور ترجمان نادرا نے ایک سالہ کارکردگی کا ڈیٹا ویڈیو بیان کی صورت میں جاری کیا۔

یہ بھی پڑھیں: امارات کو رقم کی واپسی، ملکی صنعتکاروں نے 2 ارب ڈالر کا فنڈ اسٹیٹ بینک میں جمع کروانے پر غور شروع کردیا

پاکستان میں رجسٹرڈ شہریوں کی تعداد

نادرا کے مطابق پاکستان میں رجسٹرڈ شہریوں کی تعداد 22 کروڑ 70 لاکھ ہے۔

یہ بھی پڑھیں: ایران کے خانہ بدوش قبائل نے امریکہ کے 2 بلیک ہاک ہیلی کاپٹروں پر حملہ کیا ہے، بی بی سی

بچوں کی پیدائش کا اندراج

ترجمان نے بتایا کہ یونین کونسلز میں 3 کروڑ 19 لاکھ بچوں کی پیدائش کا اندراج ہوا ہے، لیکن یہ بچے ابھی نادرا سے رجسٹرڈ نہیں ہیں۔

یہ بھی پڑھیں: صادق آباد: کچے کے ڈاکوؤں کا پولیس چوکی پر حملہ، 5 جوان شہید، 2 زخمی

آبادی کی سرکاری رجسٹریشن

ترجمان نے کہا کہ پاکستان کی 97 فیصد آبادی سرکاری طور پر رجسٹرڈ ہے اور رجسٹرڈ افراد میں 48 فیصد خواتین اور 52 فیصد مرد شامل ہیں۔

یہ بھی پڑھیں: منڈی بہاؤالدین میں پولیس کے مبینہ تشدد سے خاتون جاں بحق

بائیو میٹرک ڈیٹا کی تفصیلات

نادرا کے بائیو میٹرک ڈیٹا کے مطابق 17 کروڑ شہریوں کے چہروں کی شناخت موجود ہے، ڈیٹا بیس میں 1 ارب 68 کروڑ فنگر پرنٹس اور 70 لاکھ افراد کی آنکھوں کا ڈیٹا موجود ہے۔

یہ بھی پڑھیں: سموگ کے بعد دھند کے ڈیرے، موٹروے ایم 2 لاہور سے شیخوپورہ اور ایم 3 جڑانوالہ تک بند

رجسٹریشن میں اضافہ

رجسٹریشن میں مجموعی طور پر 11 فیصد اضافہ ہوا ہے، بچوں کی رجسٹریشن میں 18 فیصد جبکہ خواتین کی رجسٹریشن میں 8 فیصد اضافہ دیکھا گیا۔

یہ بھی پڑھیں: ٹرمپ رواں ماہ سعودی عرب میں کس سے ملنے والے ہیں؟

رجسٹریشن سینٹرز کی تعداد

ترجمان نے بتایا کہ ملک بھر میں نادرا کے 938 رجسٹریشن سینٹرز فعال ہیں اور 2025ء میں 75 نئے رجسٹریشن سینٹرز اور 138 نئے کاؤنٹرز قائم کیے گئے۔

یہ بھی پڑھیں: خیبر پختونخوا میں سیکیورٹی فورسز کے 2 مختلف آپریشنز ، 8 خوارجی دہشتگرد ہلاک، پاک فوج کے کیپٹن اور سپاہی شہید

سمندر پار پاکستانیوں کی سہولت

نادرا نے سمندر پار پاکستانیوں کی رجسٹریشن اور سہولت کو بھی بڑھایا ہے اور پاک آئی ڈی ایپلیکیشن نے نادرا کی 15 فیصد ذمے داری سنبھال لی ہے۔

پاک آئی ڈی ایپلیکیشن کی مقبولیت

ترجمان کے مطابق پاک آئی ڈی ایپلیکیشن کی ڈاؤن لوڈز کی تعداد 1 کروڑ 20 لاکھ سے تجاوز کر چکی ہے。