ایران میں یونیورسٹی طلبہ کے دوسرے روز بھی مظاہرے
ایران میں طلبہ کے مظاہرے جاری
تہران (ڈیلی پاکستان آن لائن) ایران میں طلبہ مسلسل دوسرے روز بھی سڑکوں پر نکل آئے جہاں حالیہ احتجاجی مظاہروں میں ہلاک ہونے والوں کی یاد میں ریلیاں نکالی گئیں۔ ان مظاہروں کے دوران ایک بار پھر امریکہ کے ساتھ ممکنہ کشیدگی اور جوہری پروگرام کے معاملے پر جنگ کے خدشات شدت اختیار کرگئے ہیں۔
یہ بھی پڑھیں: آئی ایم ایف نے بھانڈا پھوڑ دیا :مصطفیٰ نواز کھوکھر
احتجاج کا آغاز
اے ایف پی کے مطابق ابتدائی احتجاج گزشتہ برس دسمبر میں معاشی بدحالی اور پابندیوں سے متاثرہ حالات کے خلاف شروع ہوئے تھے، تاہم یہ جلد ہی حکومت مخالف وسیع تحریک میں تبدیل ہوگئے۔ یہ مظاہرے کئی برسوں میں اسلامی جمہوریہ کی مذہبی قیادت کے لیے سب سے بڑا چیلنج بن کر سامنے آئے۔
یہ بھی پڑھیں: فیلڈ مارشل نے مختلف اوقات میں ملاقاتیں کرچکے، پوری کوشش ہے ایران کا معاملہ بات چیت کے ذریعے حل ہو، وزیراعظم
جامعات میں مظاہرے
ہفتے کے روز جامعات میں ہلاک ہونے والوں کی یاد میں اجتماعات کے بعد اتوار کو تہران کی مختلف یونیورسٹیوں میں ایک بار پھر مظاہرے دیکھنے میں آئے۔ سرکاری خبر رساں ادارے فارس نے ویڈیوز جاری کیں جن میں درجنوں افراد ایرانی پرچم لہراتے اور یادگاری تصاویر اٹھائے نظر آئے۔
یہ بھی پڑھیں: ملکی تاریخ میں پہلی بار مسافر طیارے کی بذریعہ سڑک کراچی سے حیدرآباد منتقلی
شریف یونیورسٹی کا منظر
ایک ویڈیو میں شریف یونیورسٹی آف ٹیکنالوجی میں ہنگامہ خیز منظر دکھایا گیا جہاں کچھ افراد “شاہ مردہ باد” کے نعرے لگارہے تھے، جو 1979 کے اسلامی انقلاب میں ختم کی گئی بادشاہت کی طرف اشارہ تھا۔ وہاں دو گروہوں کے درمیان کشیدگی دیکھی گئی جبکہ وردی میں ملبوس اہلکار دونوں کے درمیان حائل تھے۔
یہ بھی پڑھیں: محرم الحرام میں اشتعال انگیز مواد کے خلاف زیرو ٹالرنس، سوشل میڈیا کی کڑی مانیٹرنگ ہوگی: وزیر داخلہ محسن نقوی
تناؤ کی صورت حال
فارس کے مطابق تہران کی کم از کم تین جامعات میں تناؤ کی صورتحال پیدا ہوئی جہاں بعض طلبہ نے حکومت مخالف نعرے بھی لگائے۔
یہ بھی پڑھیں: یہ معاہدہ خلیج کے 6 ملکوں تک وسیع ہوگا، صحافی سلمان غنی کا دعویٰ
سوشل میڈیا پر ویڈیوز
ملک سے باہر قائم ایک میڈیا ادارے ایران انٹرنیشنل، جسے تہران دہشت گرد تنظیم قرار دیتا ہے، نے سوشل میڈیا پر ایسی ویڈیوز شیئر کیں جن میں شریف یونیورسٹی میں قبل از انقلاب کا پرچم لہرایا جارہا تھا، جبکہ دیگر جامعات میں بھی ریلیوں کی جھلکیاں دکھائی گئیں۔
حکومت مخالف نعرے
خبر رساں ادارے کے مطابق ایک ویڈیو جس کا مقام کی تصدیق کی گئی، اس میں بڑی تعداد میں افراد حکومت مخالف نعرے لگاتے اور معزول بادشاہت کا پرچم لہراتے دکھائی دیے۔
