آزاد کشمیر میں ترقی، خوشحالی اور استحکام کے نئے دور کا آغاز ہو چکا; ڈاکٹر کامران فرید

آزاد کشمیر میں ترقی کا نیا دور

برسلز ( نمائندہ خصوصی ) نوجوان موٹیویٹر، معروف تھنک ٹینکر اور ماہرِ تعلیم پروفیسر ڈاکٹر کامران فرید نے کہا ہے کہ آزاد کشمیر میں ترقی، خوشحالی اور استحکام کے نئے دور کا آغاز ہو چکا ہے اور اب خطے میں پائیدار ترقی کے راستے کھل رہے ہیں۔ انہوں نے اس عزم کا اظہار کیا کہ موجودہ قیادت اور انتظامیہ عوامی مسائل کے حل کے لیے سنجیدہ اور عملی اقدامات کر رہی ہے۔

یہ بھی پڑھیں: مشرق وسطیٰ میں جنگ، پاکستان سے آج بھی 166پروازیں منسوخ ہو گئیں

اوورسیز پاکستانیوں کی شرکت

وہ پاک میڈیا سنٹر یوکے یورپ کے زیرِ اہتمام منعقدہ سیمینار کے ویبنار سے خطاب کر رہے تھے، جس میں یورپ اور برطانیہ سے بڑی تعداد میں اوورسیز پاکستانیوں نے شرکت کی۔

یہ بھی پڑھیں: برطانوی نائب وزیراعظم انجیلا رینرعہدے سے مستعفی

انجینئر امیر مقام کی کوششیں

ڈاکٹر کامران فرید نے کہا کہ انجینئر امیر مقام نے نہ صرف مسئلہ کشمیر کو بین الاقوامی سطح پر اجاگر کیا بلکہ آزاد کشمیر کے عوام کو مسائل کی دلدل سے نکالنے کے لیے ٹھوس اور عملی پالیسیاں بھی مرتب کیں۔ ان کی کوششوں کے باعث ترقیاتی منصوبوں میں تیزی آئی ہے اور بنیادی سہولیات کی فراہمی بہتر ہو رہی ہے۔

یہ بھی پڑھیں: عائشہ جہانزیب کے بارے میں نامناسب گفتگو کرنے والے ملزم حسیب سجاد کی ضمانت کی درخواست مسترد

بہتر گورننس اور انصاف

انہوں نے مزید کہا کہ کیپٹن لیاقت ملک اور خوشحال خان نے بھی عوامی مسائل کو ترجیح دیتے ہوئے گورننس کو بہتر بنایا ہے۔ انتظامیہ نے عوام کی دہلیز پر انصاف کی فراہمی کو یقینی بنانے کے لیے مؤثر اقدامات کیے ہیں، جس سے قانون کی بالادستی اور شفافیت کو فروغ ملا ہے۔ ان کا کہنا تھا کہ اب نہ کسی کے ساتھ زیادتی ہو گی اور نہ ہی ناانصافی برداشت کی جائے گی۔

یہ بھی پڑھیں: وزیراعلیٰ مریم نواز کا پیپلز پارٹی کے سینئر رہنما عبدالستار بچانی کے انتقال پر اظہارِ افسوس

نوجوانوں کی تعلیم اور ترقی

اپنے خطاب میں انہوں نے زور دیا کہ آزاد کشمیر کی موجودہ قیادت پڑھی لکھی، محبِ وطن اور انسان دوست ہے، جو معاشرے میں میرٹ، انصاف اور صاف ستھرے ماحول کے قیام کے لیے کوشاں ہے۔ یہی عوامل خطے کو ترقی کی نئی منزلوں تک لے جائیں گے۔

یہ بھی پڑھیں: دنیا اور آخرت کی کامیابی کس کی خدمت میں پوشیدہ ہے؟ شیخ صالح بن حمید نے بتا دیا

سرمایہ کاری کی دعوت

ڈاکٹر کامران فرید نے اوورسیز پاکستانیوں کو خصوصی دعوت دیتے ہوئے کہا کہ وہ آزاد کشمیر میں سرمایہ کاری کریں، صنعتیں قائم کریں اور روزگار کے مواقع پیدا کریں تاکہ بے روزگاری کا خاتمہ ہو اور معیشت مضبوط ہو۔ ان کا کہنا تھا کہ بیرونِ ملک مقیم کشمیری اور پاکستانی اپنے وطن کی ترقی میں کلیدی کردار ادا کر سکتے ہیں۔

یہ بھی پڑھیں: اسرائیل کا غزہ میں بڑے پیمانے پر زمینی آپریشن، ہسپتالوں پر براہ راست حملے، طبی سہولیات ختم، 135 فلسطینی شہید

نوجوان نسل کی قیادت

انہوں نے کہا کہ میرپور سمیت پورے آزاد کشمیر میں نوجوان نسل تعلیم یافتہ اور باصلاحیت ہے، جو آگے بڑھنے کا جذبہ رکھتی ہے، تاہم انہیں درست رہنمائی اور مواقع فراہم کرنے کی ضرورت ہے۔ اسی مقصد کے لیے جلد ہی مختلف سیمینارز اور تربیتی پروگرامز کا انعقاد کیا جائے گا تاکہ نوجوانوں کو قیادت، کاروبار اور سماجی ترقی کے حوالے سے رہنمائی مل سکے۔

خوشحال آزاد کشمیر کا خواب

آخر میں انہوں نے کہا کہ اجتماعی کاوشوں، بہتر قیادت اور عوامی شرکت سے ایک خوشحال، پرامن اور ترقی یافتہ آزاد کشمیر کا خواب جلد حقیقت بن سکتا ہے۔