احتجاج کیس: علیمہ خان کی عدم حاضری پر عدالت برہم، ناقابل ضمانت وارنٹ جاری
احتجاج کیس میں علیمہ خان کی غیر حاضری
راولپنڈی (ڈیلی پاکستان آن لائن) راولپنڈی کی انسداد دہشت گردی عدالت نے 26 نومبر کے احتجاج کیس میں علیمہ خان اور ان کے وکیل کی مسلسل غیر حاضر پر برہمی کا اظہار کیا۔
یہ بھی پڑھیں: لاہور کے سرکاری ہسپتال سے ایک اور نومولود اغوا
عدالتی سماعت اور جج کا موقف
روزنامہ جنگ کے مطابق کیس کی سماعت انسداد دہشت گردی عدالت کے جج امجد علی شاہ نے کی۔
یہ بھی پڑھیں: فون کو نیا ڈیزائن دو اور اپنی مرضی کی تبدیلیاں کرو، گوگل کی اینڈرائیڈ صارفین کیلئے اب تک کی سب سے بڑی مفت اپ گریڈ
وارنٹ گرفتاری جاری
عدالت نے غیر حاضری پر ایک مرتبہ پھر علیمہ خان کے ناقابل ضمانت وارنٹ گرفتاری جاری کر دیئے۔
اے ٹی سی نے علیمہ خان کے 2 ضامنوں کے بھی ناقابل ضمانت وارنٹ گرفتاری جاری کیے۔
یہ بھی پڑھیں: سابق وزیراعظم آزاد کشمیر سردار تنویر الیاس پر فرد جرم عائد کردی گئی
پراسیکیوٹر کا بیان
پراسیکیوٹر ظہیر شاہ نے بتایا کہ علیمہ خان جان بوجھ کر ٹرائل میں رکاوٹ پیدا کر رہی ہیں، وارنٹ گرفتاری جاری ہونے کے باوجود ملزمہ پیش نہیں ہو رہیں۔ ان کے غیر ذمہ دار رویے پر عدالت ملزمہ کی ضمانت منسوخ کرے۔
یہ بھی پڑھیں: کراچی میں ای چالان سسٹم کا افتتاح
عدالتی کارروائی میں رکاوٹیں
انہوں نے کہا کہ ٹرائل میں استغاثہ کے 2 گواہان پر جرح ہونا باقی ہے، بار بار التوا مانگ کر ٹرائل میں رخنہ ڈالنے کی کوشش کی جا رہی ہے۔ ٹرائل آخری مراحل میں ہے، ملزمہ عدالتی کارروائی میں تعاون نہیں کر رہیں۔
سماعت کی تاریخ
عدالت نے وارنٹ گرفتاری پر عملدرآمد کے لیے پولیس کو حکم جاری کرتے ہوئے سماعت کل تک ملتوی کر دی۔
