بھارتی فضائیہ نے تمام تیجس لڑاکا طیاروں کو گراؤنڈ کردیا

بھارتی فضائیہ کا تیجس طیاروں کو گراؤنڈ کرنے کا فیصلہ

(ڈیلی پاکستان آن لائن) بھارتی فضائیہ نے مقامی ساختہ تیجس لڑاکا طیاروں کے کئی حادثات کے بعد اپنے تمام تیجس طیاروں کو عارضی طور پر گراؤنڈ کرنے کا فیصلہ کیا ہے۔ بھارتی میڈیا کے مطابق، 7 فروری کو ہونے والے حادثے کے بعد بھارتی فضائیہ نے اپنے 35 تیجس لڑاکا طیاروں کے بیڑے کو مکمل طور پر گراؤنڈ کر دیا ہے جبکہ ان کی تکنیکی جانچ کا عمل جاری ہے۔

یہ بھی پڑھیں: آئینی بینچ کل سے 22 نومبر تک کن اہم مقدمات کی سماعت کرے گا؟ تفصیلات جانیے۔

حادثے کی تفصیلات

7 فروری کو پیش آنے والے حادثے میں سنگل سیٹ طیارے کے پائلٹ کو چوٹیں آئیں، تاہم وہ محفوظ رہا تھا۔ اطلاعات کے مطابق، حادثے کا شکار طیارے کے ڈھانچے کو شدید نقصان پہنچا ہے اور اسے ناقابلِ استعمال قرار دیا جا سکتا ہے۔ بھارتی میڈیا کے مطابق یہ 2016 میں تیجس کی بھارتی فضائیہ میں شمولیت کے بعد اس طیارے کا تیسرا بڑا حادثہ ہے۔

یہ بھی پڑھیں: مودی سرکار رافیل طیاروں کی ناکامی کے بعد نئے مہنگے عسکری سازوسامان کی خریداری کی خواہش مند

پہلے حادثات کی معلومات

پہلا حادثہ مارچ 2024 میں جیسلمیر کے قریب فائر پاور مظاہرے سے واپس آتے ہوئے پیش آیا، جس میں پائلٹ بحفاظت ایجیکٹ کرنے میں کامیاب رہا۔ دوسرا واقعہ نومبر 2025 میں دبئی ایئر شو کے دوران فضائی کرتب دکھاتے ہوئے پیش آیا، جس میں طیارے کا پائلٹ ہلاک ہوگیا تھا۔

ہندوستان ایروناٹکس لمیٹڈ کا بیان

دوسری جانب، بھارتی طیارہ ساز کمپنی ہندوستان ایروناٹکس لمیٹڈ (ایچ اے ایل) نے 7 فروری کے حادثے کو معمولی تکنیکی خرابی قرار دیا ہے۔ کمپنی کے مطابق، ایس او پیز کے تحت معاملے کا تفصیلی تجزیہ کیا جا رہا ہے اور جلد مسئلے کے حل کے لیے بھارتی فضائیہ کے ساتھ رابطے میں ہیں۔ ایچ اے ایل کا کہنا ہے کہ تیجس عالمی سطح پر ہم عصر لڑاکا طیاروں کے مقابلے میں بہترین حفاظتی ریکارڈ رکھنے والے طیاروں میں شمار ہوتا ہے۔