پنجاب: خطرناک عمارتوں میں قائم اسکولوں کو خالی کرنے کا حکم

حکم نامہ جاری

لاہور(ڈیلی پاکستان آن لائن )محکمہ اسکول ایجوکیشن پنجاب نے صوبے کی تمام خطرناک عمارتوں والے اسکولوں کو خالی کرنے کا حکم دے دیا۔

یہ بھی پڑھیں: آئی ایم ایف نے بھانڈا پھوڑ دیا :مصطفیٰ نواز کھوکھر

مراسلے کی تفصیلات

اس حوالے سے محکمہ اسکول ایجوکیشن پنجاب نے تمام ضلعی اتھارٹیز کو مراسلہ جاری کرتے ہوئے تمام خطرناک، جزوی خطرناک اسکولوں کی عمارتوں کو سیل کرنے کا حکم دیا ہے۔

یہ بھی پڑھیں: حکومت مذاکرات میں غیر سنجیدہ ہے: عمر ایوب

طلبہ کی حفاظت

مراسلے کے مطابق کسی بھی صورت طلبہ کو خطرناک عمارتوں میں داخلے کی اجازت نہیں ہوگی۔ کوئی طالب علم ایسی عمارتوں میں بیٹھ سکے گا نہ پڑھ سکے گا۔

سائن بورڈ کی ہدایت

مراسلے میں محکمہ اسکول ایجوکیشن نے خطرناک، جزوی خطرناک سرکاری اسکولزکی عمارتوں پر سائن بورڈ آویزاں کیے جانے کی بھی ہدایت کی اور کہا کہ کسی ناخوشگوار واقعے کی ذمہ داری ضلعی ایجوکیشن اتھارٹی اور ہیڈ ٹیچر پر آئے گی۔