سیاسی اختلاف کو نفرت میں مت بدلیں: بیرسٹر گوہر
سیاسی اختلافات پر گفتگو
اسلام آباد(ڈیلی پاکستان آن لائن)پاکستان تحریک انصاف کے چیئرمین بیرسٹر گوہر علی خان نے کہا ہے کہ سیاسی اختلاف کو نفرت میں مت بدلیں، آپ بہتری لائیں، پاکستان کا دفاع مضبوط ہونا چاہیے، اب بس کرنا چاہیے، اتنے مقبول لیڈر کو قید کر رکھا ہے۔
یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا ؟
عدالت سے انصاف کی توقع
اسلام آباد میں سپریم کورٹ کے باہر میڈیا سے گفتگو کرتے ہوئے انہوں نے کہا کہ عدالت وہ ہے جو انصاف دے لیکن 3 کروڑ ووٹ لینے والوں کو بھی انصاف نہ دیا گیا۔
یہ بھی پڑھیں: وزیراعظم شہبازشریف نے بلال بن ثاقب کو معاون خصوصی مقرر کردیا
اہلِخانہ سے ملاقات کی اہمیت
بیرسٹر گوہر نے کہا کہ کیا فرق پڑ جاتا ہے کہ ایک ڈاکٹر کے بجائے دوسرا ہو، اہلِخانہ کو تسلی کروانی ہے اور اس میں کیا خرابی ہے، اہلِخانہ کو ساتھ اگر رکھا جاتا تو کیا طوفان آ جاتا؟
یہ بھی پڑھیں: اسٹبلشمنٹ کو فی الحال عمران خان سے بات چیت کی کوئی مجبوری نہیں ہے اور اگر۔۔‘‘ بانی پی ٹی آئی کے وکیل کا حیران کن بیان
سیاست میں بہتری کے لیے ملاقاتیں
انہوں نے کہا کہ سیاست میں بہتری کے لیے سب کو مل بیٹھنا ہو گا، سپریم کورٹ میں اب بھی ہمارے کیسز ہیں، ہمیں ملاقات کا موقع دینا چاہیے، چیف جسٹس سے درخواست کرتا ہوں آج تیرہواں موقع ہے آپ کے سامنے آئے ہیں، یہ کافی نہیں کہ فرینڈ آف دی کورٹ کو بھیجا جائے، اہلِخانہ کی ملاقات اہم ہے۔
یہ بھی پڑھیں: اسلام آباد سمیت ملک کے مختلف علاقوں میں بارش کی پیشگوئی
بانی پی ٹی آئی کی صحت
چیئرمین پی ٹی آئی نے کہا کہ ہمیں میسج دے کر کہا گیا کہ بانی کو انجیکشن لگ گیا ہے، اس مرتبہ ڈاکٹر سے بات نہیں ہوئی، ہمیں اطلاع دی کہ بانی کو واپس بھجوا دیا ہے، ہمیں یہ کہا گیا ہے کہ بانیٔ پی ٹی آئی کی صحت بہتر اور ٹھیک ہے۔
یہ بھی پڑھیں: راولپنڈی میں فیکٹری میں آگ لگ گئی
رہائی کی فورس پر تحفظات
بیرسٹر گوہر نے کہا کہ رہائی فورس پر ہمارے کچھ تحفظات ہیں اور اس پر پارٹی نے بحث کی ہے، پارٹی کے لیے اس کے اثرات ہوں گے، صوبے کے معاملات پر وزیرِ اعلیٰ اعتماد میں لیتے ہیں۔
جمہوریت کا تحفظ
انہوں نے کہا کہ پی ٹی آئی کسی موقع پر ایسا کام نہیں کرے گی جس سے جمہوریت کا نقصان ہو، ہم چاہتے ہیں کہ رہائی عدالت سے ہو اور ایسی فورس نہیں کہ جو غیر آئینی ہو، ہم سڑکوں پر، ہر فورم پر آواز اٹھا رہے ہیں۔
