وزارتِ مذہبی امور اور وزارتِ آئی ٹی کے درمیان حج آپریشنز کی ڈیجیٹلائزیشن کے لیے مفاہمت کی یادداشت پر دستخط

حج آپریشنز کی ڈیجیٹائزیشن کا آغاز

اسلام آباد(ڈیلی پاکستان آن لائن) وزیراعظم شہباز شریف کی ہدایات پر حج آپریشنز کو مکمل طور پر ڈیجیٹل بنانے کی طرف اہم قدم اٹھا لیا گیا۔

یہ بھی پڑھیں: ایشیا کپ: بھارت کا عمان کے خلاف ٹاس جیت کر بیٹنگ کا فیصلہ

مفاہمت کی یادداشت پر دستخط

وزارتِ مذہبی امور اور وزارتِ آئی ٹی کے درمیان حج ڈیجیٹلائزیشن کے لیے مفاہمت کی یادداشت پر دستخط کیے گئے۔ اس موقع پر وزیر مذہبی امور سردار محمد یوسف، وفاقی وزیر آئی ٹی شزا فاطمہ خواجہ، سیکرٹری مذہبی امور ڈاکٹر ساجد محمود چوہان، سیکرٹری آئی ٹی ضرار ہاشم خان اور دیگر افسران بھی موجود تھے۔

یہ بھی پڑھیں: یہ جیت بھارت کے نام، ہم نے وہی انداز اپنایا جو چاہتے تھے، بھارتی کپتان سوریا کمار یادیو

تقریب میں اہم تقاریر

جوائنٹ سیکرٹری حج محمد بخش سانگی اور ڈائریکٹر جنرل نیشنل آئی ٹی بورڈ ڈاکٹر خالد رفیق نے ایم او یو پر دستخط کیے۔ تقریب سے خطاب کرتے ہوئے سردار محمد یوسف نے کہا کہ وزیراعظم پاکستان کی ہدایت کے مطابق حج کے عمل کو مزید شفاف اور سہل بنایا جا رہا ہے۔

یہ بھی پڑھیں: افغانستان کو ہر سطح پر واضح کردیا ہے کہ پاکستان اپنی خودمختاری اور سلامتی کو سب سے زیادہ ترجیح دیتا ہے،جام کمال

ڈیجیٹل نظام کے فوائد

اُن کا کہنا تھا کہ ڈیجیٹل نظام سے غیر ضروری تاخیر اور انسانی غلطیوں کا خاتمہ ہوگا، اقدام سے بین الاقوامی سطح کے اہداف کے حصول میں مدد ملے گی۔

یہ بھی پڑھیں: وزیر اعلیٰ مریم نواز کا سیکیورٹی فورسز کو 11 بھارتی سپانسرڈ خوارج کو جہنم واصل کرنے پر خراج تحسین

آئندہ سال کے لیے منصوبے

دوسری جانب وفاقی وزیر آئی ٹی شزا فاطمہ نے کہا کہ آئندہ سال حج درخواست سے وطن واپسی تک اینڈ ٹو اینڈ ڈیجیٹل نظام متعارف کرایا جائے گا۔ درخواست گزاروں کے لیے سادہ اور آسان فہم آن لائن حج پورٹل قائم کیا جائے گا۔

پاک حج موبائل ایپ کی بہتری

خیال رہے کہ ایم او یو کے تحت پاک حج موبائل ایپ کو مزید بہتر اور آسان فہم بنایا جائے گا، پورٹل کے ذریعے سٹیک ہولڈرز کے درمیان موثر رابطہ، سعودی ٹائم لائنز کی پابندی یقینی بنائی جائے گی۔