اویس لغاری کا تاجک وزیر سے رابطہ

وزیر توانائی اویس لغاری کا تاجکستان کے وزیر توانائی سے رابطہ

اسلام آباد (ڈیلی پاکستان آن لائن) وفاقی وزیر توانائی اویس لغاری کا تاجکستان کے وزیر توانائی سے رابطہ ہوا جس میں فریقین نے پاکستان اور تاجکستان کے درمیان توانائی تعاون کو وسعت دینے پر اتفاق کیا۔

یہ بھی پڑھیں: چین: لاکھوں ڈالر ریفنڈ کی جعلی درخواستیں، نوجوان کو چھ سال قید

توانائی کے شعبے میں باہمی تعاون

وزارت توانائی کے اعلامیہ کے مطابق اویس لغاری نے سرحد پار بجلی کی تجارت کے فروغ پر زور دیا۔ پاکستان اور تاجکستان توانائی منصوبوں میں طویل المدتی شراکت داری کے خواہاں ہیں۔ توانائی کے شعبے میں تکنیکی سطح پر باقاعدہ رابطوں پر اتفاق کیا گیا۔

علاقائی توانائی کی کنیکٹیوٹی

اویس لغاری نے کہا کہ علاقائی پاور کنیکٹیوٹی خطے کے توانائی کے مستقبل کے لیے ناگزیر ہے۔ علاقائی تعاون سے توانائی سلامتی اور معاشی استحکام ممکن ہے، انھوں نے کاسا 1000 منصوبے میں پیش رفت پر بھی گفتگو کی۔