محسن نقوی کی اطالوی ہم منصب سے ملاقات، 10,500 ورک ویزوں پر اتفاق

ملاقات کی تفصیلات

روم(ڈیلی پاکستان آن لائن) وفاقی وزیر داخلہ محسن نقوی نے اطالوی وزیر داخلہ میٹیو پینٹے ڈوسی سے اہم ملاقات کی، جس میں پاکستان اور اٹلی کے درمیان داخلی سکیورٹی تعاون، غیر قانونی امیگریشن کی روک تھام اور لیگل مائیگریشن کے فروغ پر تفصیلی تبادلہ خیال کیا گیا۔

یہ بھی پڑھیں: وزیر اعلیٰ مریم نواز نے سیاستدانوں کو عوام کی خدمت کا نیا رجحان دیا ہے: عظمیٰ بخاری

قانونی ہجرت کی ترقی

نجی ٹی وی چینل دنیا نیوز کے مطابق ملاقات کے دوران اس بات پر اتفاق کیا گیا کہ قانونی ہجرت کو فروغ دینے کے لیے پاکستان کی ہنرمند افرادی قوت کے لیے 10 ہزار 500 ورک ویزے جاری کیے جائیں گے۔

یہ بھی پڑھیں: اسرائیل کا اگلا نشانہ کونسا ملک ہوسکتا ہے۔۔۔؟ امریکی تھنک ٹینک کے سینئر رکن نےاپنے تجزیئے میں خدشہ کا اظہار کر دیا

دوطرفہ تعاون کا فروغ

اطالوی وزیر داخلہ نے کہا کہ دونوں ممالک لیگل مائیگریشن کے فروغ کے لیے باہمی تعاون میں اضافہ کریں گے اور مشترکہ مفادات کے شعبوں میں تعلقات کو مزید وسعت دی جائے گی۔

یہ بھی پڑھیں: کراچی میں فلائی اوور سے گر کر خاتون کے جاں بحق ہونے کا معمہ حل ہو گیا۔

پاکستانی ڈپلومیٹس کے لیے ویزے کی استثنیٰ

میٹیو پینٹے ڈوسی نے محسن نقوی کے مطالبے پر پاکستانی ڈپلومیٹک پاسپورٹ رکھنے والوں کو اٹلی کے ویزے سے استثنیٰ دینے پر بھی آمادگی ظاہر کی اور کہا کہ اس معاملے پر قبل ازیں ہونے والی ملاقات میں بھی بات چیت ہوئی تھی۔

یہ بھی پڑھیں: ہربنس پورہ میں کرنٹ لگنے سے 2بچے جاں بحق،وزیراعلیٰ کا اظہار افسوس

انسداد منشیات اور انسانی سمگلنگ کے خلاف تعاون

ملاقات میں انسداد منشیات، انسانی سمگلنگ اور دہشت گردی کے خلاف تعاون کو مزید مؤثر بنانے پر بھی غور کیا گیا۔ دونوں وزرائے داخلہ نے غیر قانونی امیگریشن اور انسانی سمگلنگ کی روک تھام کے لیے جاری اقدامات کو سراہا۔

یہ بھی پڑھیں: ڈائریکٹوریٹ جنرل امیگریشن میں جدید ترین مانیٹرنگ نظام ”شکرا” کا افتتاح

غیر قانونی امیگریشن میں کمی

محسن نقوی نے اطالوی ہم منصب کو غیر قانونی امیگریشن کی روک تھام کے لیے حکومت پاکستان کے مؤثر اقدامات سے آگاہ کیا اور بتایا ہے کہ ایئرپورٹس اور سمندری سرحدوں پر کڑی نگرانی کے باعث غیر قانونی امیگریشن میں نمایاں کمی آئی ہے۔

یہ بھی پڑھیں: بھارتی اداکار ویر پہاڑیا کے پیچھے کتے پڑ گئے، ویڈیو وائرل

پاکستانی وزارت داخلہ کی پالیسی کی ش认可

اطالوی وزیر داخلہ کا غیر قانونی امیگریشن کی روک تھام کے لیے پاکستانی وزارت داخلہ کی پالیسی کو سراہتے ہوئے کہنا تھا کہ انسانی سمگلنگ اور منشیات کے خلاف پاکستانی اداروں کی کامیابیاں قابل تحسین ہیں۔

یہ بھی پڑھیں: کینال منصوبہ اگر ہمارے ہاتھ سے نکل گیا تو پھر احتجاج کیلئے نکلیں گے: وزیراعلیٰ سندھ

پنجاب پولیس کی بریفنگ

ملاقات میں پنجاب پولیس کے افسران نے پولیس خدمت مراکز گلوبل کی افادیت پر بریفنگ دی، جسے اطالوی حکام نے سراہا۔

ملاقات میں موجود شخصیات

اس موقع پر اٹلی میں پاکستان کے سفیر علی جاوید، ڈی جی ایف آئی اے ڈاکٹر عثمان انور، ایم ڈی پنجاب سیف سٹی اتھارٹی احسن یونس، سینئر پولیس افسران عابد خان اور سہیل چوہدری بھی موجود تھے۔