عمران خان کی صحت کا معاملہ، پارٹی علیمہ خان کے ساتھ کھڑی رہے گی، رات کے اندھیرے میں قیدی کو منتقل کرنا جیل مینوئل کی خلاف ورزی ہے: شفیع جان

پشاور خبر

خیبرپختونخوا کے وزیر اعلیٰ سہیل آفریدی کے معاون خصوصی برائے اطلاعات شفیع جان نے کہا ہے کہ عمران خان کی صحت کے معاملے پر پارٹی علیمہ خان کے ساتھ کھڑی رہے گی۔

یہ بھی پڑھیں: وزیرِ اعلیٰ پنجاب مریم نواز کے صاحبزادے جنید صفدر کی شادی طے پا گئی، حتمی تاریخ کا اعلان جلد متوقع

شفیع جان کا بیان

’’جیو نیوز‘‘ کے پروگرام ’’آج شاہ زیب خانزادہ کے ساتھ‘‘ میں گفتگو کرتے ہوئے شفیع جان کا کہنا تھا کہ پہلے دن سے مؤقف ہے کہ عمران خان کی صحت پر فیملی بولے گی۔ بانی کی صحت کے معاملے پر پارٹی علیمہ خان کے ساتھ کھڑی رہے گی۔ رات کے اندھیرے میں جیل سے بانی پی ٹی آئی کو دوسری بار ہسپتال لایا گیا، رات کے اندھیرے میں قیدی کو منتقل کرنا جیل مینوئل کی خلاف ورزی ہے۔ بانی پی ٹی آئی کے کیسز کی پیروی کریں، ملاقات کے لیے اسلام آباد ہائیکورٹ کے آرڈرز موجود ہیں عمل نہیں ہورہا۔

رہائی فورس کا قیام

عمران خان رہائی فورس سے متعلق شفیع جان کا کہنا تھا کہ رہائی فورس ہر صورت بنے گی یہ فیصلہ ہوچکا ہے۔ رہائی فورس اسٹریٹ موومنٹ کے تناظر میں ہی بنائی جارہی ہے اس کے کوئی سیاسی مقاصد نہیں ہوں گے اور اس کی ممبر شپ رمضان کے بعد ہوگی۔