مرد عورتوں کے نگہبان اور کفیل ہوتے ہیں اور رتبے میں عورتوں سے بلند ہوتے ہیں: معروف اداکارہ سارہ عمیر

سارہ عمیر کا طلاق سے متعلق بیان

لاہور (ڈیلی پاکستان آن لائن) پاکستانی ٹیلی ویژن کی نامور اداکارہ سارہ عمیر نے اپنی طلاق سے متعلق بیان پر یوٹرن لے لیا اور کہا کہ مرد خواتین کی زندگی کا سب سے بڑا اثاثہ ہوتے ہیں۔

یہ بھی پڑھیں: ججز میں تنازع ہے، میں کیوں دکھاوا کروں کہ تنازع نہیں ہے؟ جسٹس سردار اعجاز اسحاق کے ریمارکس

احمد علی بٹ کی پوڈ کاسٹ میں شرکت

حال ہی میں اداکارہ نے میزبان و اداکار احمد علی بٹ کی پوڈ کاسٹ میں بطور مہمان شرکت کی، جہاں انہوں نے اپنے کیریئر سمیت مختلف امور پر کھل کر بات چیت کی۔ اس گفتگو کے دوران انہوں نے متعدد بار اپنے شوہر و ہدایت کار محسن طلعت کا نام لیا اور ان کے لیے سابق شوہر کی اصطلاح استعمال کرنے سے گریز کیا۔

یہ بھی پڑھیں: وزیراعظم اور آرمی چیف کی سعودی ولی عہد سے ملاقات، اہم امور پر تبادلہ خیال

شادی کے بعد شوبز انڈسٹری سے غیبت

خیال رہے کہ سارہ عمیر 2014ء تک شوبز انڈسٹری کی ایک نمایاں شخصیت رہیں، تاہم معروف پاکستانی ہدایتکار محسن طلعت سے شادی کے بعد وہ میڈیا انڈسٹری سے غائب ہو گئیں۔ اس جوڑے کے 2 بیٹے ہیں۔

یہ بھی پڑھیں: کراچی: گلبرگ میں 3 سالہ بچی کا زیادتی کے بعد قتل، رکشہ ڈرائیور قاتل نکلا، اعتراف جرم کرلیا

مشوروں کی اہمیت

حالیہ انٹرویو کے دوران اپنے شوہر کے حوالے سے گفتگو کرتے ہوئے سارہ عمیر کا کہنا ہے کہ مجھے اپنے شوہر کے کیریئر سے متعلق مشوروں کو نظر انداز کرنے پر افسوس ہے، کیونکہ ان پر عمل نہ کرنے کی وجہ سے مجھے اپنے کیریئر میں نقصان اٹھانا پڑا۔ اب میں اپنے ہر کردار پر ان سے مشورہ ضرور کرتی ہوں۔

یہ بھی پڑھیں: سموگ کے باعث پارکس، تفریح گاہیں، عجائب گھر 10روز کیلئے بند

دوستی اور رشتوں کا خوف

انہوں نے مزید کہا کہ انڈسٹری میں میرا کوئی دوست نہیں سوائے محسن کے، میرا حقیقی دوست میرا شوہر اور میرے بچوں کا باپ ہی ہے۔ مزید برآں، سارہ عمیر نے کہا کہ مجھے اپنے رشتوں کے کھو جانے کا خوف رہتا ہے، چاہے وہ والدین ہوں، بچے ہوں یا شوہر، مجھے اپنے پیاروں کو کھونے سے ڈر لگتا ہے۔

یہ بھی پڑھیں: پنجاب میں روڈ سیفٹی کو مزید بہتر بنا رہے ہیں تاکہ کسی کے گھر کا چراغ نہ بجھے:مریم نواز

مردوں کے کردار کا اعتراف

انہوں نے کہا کہ مرد عورت کی زندگی میں اثاثے کی مانند ہوتے ہیں، وہ عورتوں کے نگہبان اور کفیل ہوتے ہیں اور رتبے میں عورتوں سے بلند ہوتے ہیں۔ ان کے مطابق مردوں کا خواتین پر ایک خاص حد تک اختیار ہونا چاہیے اور بادشاہ کا کردار مردوں کو ہی زیب دیتا ہے۔

طلاق کا صدمہ

یاد رہے کہ اس سے قبل ایک پروگرام میں سارہ عمیر نے اپنی طلاق کے بارے میں تفصیل سے بات کی تھی۔ انہوں نے یہ بھی انکشاف کیا تھا کہ انہوں نے ریئلٹی شو تماشہ میں شرکت اس لیے کی تاکہ وہ اپنی طلاق کے صدمے سے نکل سکیں۔