عیدالفطر کے حوالے سے رویت ہلال ریسرچ کونسل نے بھی پیشگوئی کر دی

عیدالفطر کی تاریخ کا امکان

اسلام آباد (ڈیلی پاکستان آن لائن) عیدالفطر کے حوالے سے رویت ہلال ریسرچ کونسل کا کہنا ہے کہ ملک بھر میں عید 21 مارچ بروز ہفتہ ہونے کا امکان ہے۔

یہ بھی پڑھیں: اللہ تعالیٰ نے تمام مسلم ممالک میں سے محافظینِ حرمین کا شرف پاکستان کو عطا کیا، فیلڈ مارشل

چاند کی رویت کی پیشگوئی

نجی ٹی وی چینل ہم نیوز کے مطابق رویت ہلال ریسرچ کونسل نے پیشگوئی کرتے ہوئے کہا کہ 19 مارچ بروز جمعرات شوال کا چاند نظر آنے کا امکان نہیں ہے۔ لہٰذا ملک بھر یکم شوال 21 مارچ کو ہونے کی توقع ہے۔

یہ بھی پڑھیں: اگر میری داڑھی ہے تو کیا میں صرف مُلّا ہی بن سکتا ہوں؟

چاند کی عمر اور نظر آنے کی صورت حال

رویت ہلال کونسل کے سیکرٹری جنرل خالد اعجاز مفتی کا کہنا ہے کہ پاکستانی وقت کے مطابق نیا چاند 19 مارچ کو صبح 6 بج کر 23 منٹ پر پیدا ہوگا اور غروب آفتاب کے وقت اس کی عمر صرف 13 گھنٹے ہو گی۔ اگر چاند کی عمر 19 گھنٹے ہوتی تو چاند دیکھا جا سکتا تھا۔

واضح آسمان مگر چاند کی عدم رویت

انہوں نے کہا کہ مطلع صاف ہونے کے باوجود چاند کو آنکھ، دوربین یا ٹیلی سکوپ سے نہیں دیکھا جا سکے گا، اس طرح رمضان کا مہینہ 30 دن پر مشتمل ہو گا۔ رویت ہلال ریسرچ کونسل کا کہنا ہے کہ 19 مارچ کو چاند نظر نہ آنے کی وجہ سے عیدالفطر بروز ہفتہ 21 مارچ کو منائے جانے کا قوی امکان ہے۔