بانی اور اہلیہ کی توشہ خانہ ٹو کیس میں سزا کیخلاف اپیلوں پر اعتراضات دور

اسلام آباد ہائی کورٹ کا فیصلہ

اسلام آباد(ڈیلی پاکستان آن لائن) اسلام آباد ہائی کورٹ نے بانی پی ٹی آئی اور بشریٰ بی بی کی توشہ خانہ ٹو کیس میں سزا کے خلاف اپیلوں پر اعتراضات دور کر دیئے۔

یہ بھی پڑھیں: مچل سٹارک نے ٹیسٹ کرکٹ میں سب سے زیادہ وکٹیں لینے کا وسیم اکرم کا ریکارڈ توڑ دیا

سماعت کی تفصیلات

نجی ٹی وی چینل دنیا نیوز کے مطابق اسلام آباد ہائیکورٹ کے جسٹس خادم حسین سومرو نے درخواستوں پر سماعت کی، بیرسٹر سلمان صفدر اور سلمان اکرم راجہ سمیت وکلاء اور بانی کی تینوں بہنیں بھی پیش ہوئیں۔

یہ بھی پڑھیں: جنگ بندی کے بعد شہباز شریف اور ایرانی صدر کا پہلا رابطہ

اپیلوں کی منظوری

عدالت نے بانی پی ٹی آئی اور بشریٰ بی بی کی اپیلوں کو نمبر لگا کر مقرر کرنے کی ہدایت کر دی۔

اسلام آباد ہائیکورٹ نے بانی اور بشریٰ بی بی کی 2 متفرق درخواستیں منظور کر لیں، دونوں کی مرکزی اپیل پر اعتراضات دور کرنے کی متفرق درخواست بھی منظور کر لی گئی۔

وقت کی توسیع

بانی پی ٹی آئی اور بشریٰ بی بی کی اپیلوں پر اعتراضات دور کرنے کا وقت بڑھانے کی متفرق درخواست بھی منظور کی گئی۔