فیکٹری میں آتشزدگی، رپورٹ طلب، وزیراعلیٰ سندھ نے فوری تحقیقات کا حکم دیدیا

وزیراعلیٰ سندھ کا حکم

کراچی ( ڈیلی پاکستان آن لائن )  وزیراعلیٰ سندھ نے شیر شاہ سائٹ ایریا میں واقع فیکٹری میں لگنے والی آگ کی رپورٹ طلب کی ہے اور واقعے کی فوری تحقیقات کا حکم دیا ہے۔

یہ بھی پڑھیں: وزیراعلی مریم نواز ڈپلومیسی فورم 2025کے تحت بین الاقوامی کانفرنس میں مرکز نگاہ بن گئیں

ریسکیو آپریشن کی ہدایت

وزیراعلیٰ سندھ نے متعلقہ اداروں کو ریسکیو آپریشن تیز کرنے کی ہدایت بھی کی۔ ان کا کہنا ہے کہ صوبے بھر کی فیکٹریوں میں ہر قسم کے کیمیکلز کا جامع آڈٹ کیا جائے گا اور خطرناک کیمیکلز کے ذخائر اور استعمال کا مکمل ریکارڈ مرتب کیا جائے گا۔

یہ بھی پڑھیں: پی ٹی آئی میں اختلافات، پارٹی کے واٹس ایپ گروپس میں سلمان اکرم راجا پر تنقید

کیمیکل سیفٹی پروٹوکول کی پابندی

صنعتی یونٹس میں کیمیکل سیفٹی پروٹوکول پر سختی سے عملدرآمد کیا جائے گا۔ بغیر اجازت خطرناک مواد ذخیرہ کرنے والوں کے خلاف سخت کارروائی عمل میں لائی جائے گی۔

فائر سیفٹی اور کیمیکل سٹوریج کی جانچ

’’جنگ ‘‘ کے مطابق وزیر اعلیٰ سندھ مراد علی شاہ نے ہدایت جاری کی ہے کہ فیکٹریوں میں فائر سیفٹی اور کیمیکل سٹوریج کا فوری معائنہ کیا جائے۔ تمام صنعتی علاقوں کی مشترکہ انسپکشن مہم شروع کی جائے اور آڈٹ رپورٹ فوری طور پر وزیراعلیٰ آفس کو پیش کی جائے۔ عوام اور مزدوروں کی جانوں سے کھیلنے کی اجازت کسی کو نہیں دی جائے گی۔