سمجھوتہ ایکسپریس کیس میں ملزمان کی بریت بھارت کی دہری پالیسی کی مثال ،شدید مذمت کرتے ہیں:پاکستان

اسلام آباد میں دفتر خارجہ کا بیان

دفتر خارجہ کے ترجمان نے سانحہ سمجھوتہ ایکسپریس کی 19ویں برسی پر کہا ہے کہ متاثرہ خاندان آج بھی انصاف کے منتظر ہیں۔ بھارتی حکومت کا متاثرہ خاندانوں کے ساتھ غیر سنجیدہ رویہ شدید مایوس کن ہے۔

یہ بھی پڑھیں: خاتون نے بھارتی کرکٹر یش دیال پر شادی کا جھانسہ دے کر جسمانی طور پر حراساں کرنے کا الزام عائد کردیا

ملزمان کی بریت پر شدید مذمت

اے جنگ کے مطابق، ترجمان نے سمجھوتہ ایکسپریس حملے کے چاروں ملزمان کی بریت کی شدید مذمت کی۔ سوامی اسیمنند، لیفٹیننٹ کرنل پروہت اور سادھوی پرگیا سمیت ملزمان کی بریت پر تشویش کا اظہار کیا گیا۔ انہوں نے بھارت پر زور دیا کہ وہ حملے کے ذمہ داروں اور معاونین کے خلاف منصفانہ ٹرائل کرے۔ سمجھوتہ ایکسپریس کیس میں ملزمان کی بریت بھارت کی دہری پالیسی کی مثال ہے۔ ہم بھارت کے پاکستان مخالف پروپیگنڈا اور دہشت گردی کے الزامات کا بیانیہ مسترد کرتے ہیں۔

یہ بھی پڑھیں: شادی میں بلا کر تین افراد نے مقامی فنکارہ کو مبینہ طور پر اجتماعی زیادتی کا نشانہ بنا دیا

ہندوتوا انتہاپسندی کا بڑھتا ہوا رجحان

ترجمان نے ہندوتوا انتہاپسندی اور "سیفران دہشت گردی" کے بڑھتے ہوئے رجحان پر بھی اظہار تشویش کیا۔

یادگار سانحہ

یاد رہے کہ سانحہ سمجھوتہ ایکسپریس میں 44 پاکستانی شہریوں سمیت 68 مسافر جاں بحق ہوئے تھے۔