تمام کوآڈ کاپٹرز گرا دیے گئے، خوارج بھاگ کھڑے ہوئے، چن چن کر افغان طالبان رجیم کی پوسٹوں کو نشانہ بنایا جا رہا ہے، 22 کی ہلاکت کی مصدقہ اطلاعات : سیکیورٹی ذرائع

سیکیورٹی کی تازہ ترین اطلاعات

لاہور (ڈیلی پاکستان آن لائن) سیکیورٹی ذرائع نے بتایا ہے کہ تمام کواڈ کاپٹرز گرا دیئے گئے، خوارج بھاگ کھڑے ہوئے۔ افغان طالبان کی پوسٹوں کو چن چن کر نشانہ بنایا جا رہا ہے، جس سے 22 ہلاکتوں کی مصدقہ اطلاعات موصول ہوئی ہیں۔

یہ بھی پڑھیں: ایک سال میں گندم کی پیداوار میں 29 لاکھ ٹن کی کمی

پاکستان کا آپریشن جاری

سیکیورٹی ذرائع کے مطابق پاک-افغان سرحد پر افغان طالبان کی بلااشتعال کارروائیوں کے خلاف پاکستان کا آپریشن جاری ہے۔ پاکستانی سیکیورٹی فورسز کی جوابی کارروائی سے افغان طالبان کے ٹھکانے تباہ کر دیئے گئے، جس کے بعد خوارج بے ہنگم بھاگ گئے۔ چترال سیکٹر میں افغان طالبان کی چیک پوسٹ کو پاکستانی سیکیورٹی فورسز نے نشانہ بنا کر تباہ کر دیا گیا۔ افغان طالبان نے پاک-افغان سرحد کے مختلف مقامات پر فائرنگ کی۔

یہ بھی پڑھیں: آڈیو لیکس کمیشن کیس؛ سپریم کورٹ کی اتھارٹی کو انڈر مائین ہونے نہیں دیں گے، جسٹس جمال مندوخیل کا اٹارنی جنرل سے مکالمہ

جوابی کارروائی

ذرائع کا کہنا ہے کہ پاکستان کی سیکیورٹی فورسز نے ناوگئی سیکٹر باجوڑ اور تیراہ خیبر میں بھرپور جواب دیا۔ مزید برآں، پاکستانی سیکیورٹی فورسز نے ضلع مہمند اور ارندو سیکٹر چکوال میں بھی شدید جوابی کارروائی کی۔ فورسز نے باجوڑ میں افغان طالبان کی 2 چوکیاں تباہ کر دیں۔ پاکستان کی سیکیورٹی فورسز کسی بھی قسم کی جارحیت کے خلاف سخت اور فوری جواب دینے کے لیے مکمل طور پر تیار ہیں۔ افغان طالبان کے 22 اہلکاروں کی ہلاکت کی مصدقہ اطلاعات ہیں۔

کواڈ کاپٹرز کی ناکامی

سیکیورٹی ذرائع کے مطابق، افغان طالبان کی جانب سے کواڈ کاپٹر کے ذریعے پاکستانی سیکیورٹی فورسز کی چیک پوسٹوں پر حملے کی کوشش ناکام بنا دی گئی۔ پاکستانی سیکیورٹی فورسز کی بروقت کارروائی سے تمام کواڈ کاپٹرز کو گرا دیا گیا۔ اس کے علاوہ، پاکستانی سیکیورٹی فورسز کی جانب سے چھوٹے اور بڑے ہتھیاروں کے ذریعے گولہ باری جاری ہے، اور ڈرونز کے ذریعے بھی افغان طالبان کی پوسٹوں کو چن چن کر نشانہ بنایا جا رہا ہے۔