آپریشن سوئفٹ ریٹارٹ کو 7 سال مکمل، افواجِ پاکستان کا خراجِ تحسین

آپریشن سوئفٹ ریٹارٹ کی ساتویں سالگرہ

راولپنڈی(ڈیلی پاکستان آن لائن) آپریشن سوئفٹ ریٹارٹ کو 7 سال مکمل ہوگئے، اس موقع پر افواجِ پاکستان نے اس تاریخی کارروائی کو خراجِ تحسین پیش کیا ہے۔

یہ بھی پڑھیں: افغانستان میں دہشت گردوں کے خلاف 56 سٹرائیکس کی جا چکی ہیں،سکیورٹی ذرائع

افواجِ پاکستان کا عزم

پاک فوج کے شعبہ تعلقاتِ عامہ (آئی ایس پی آر) کے مطابق فیلڈ مارشل سید عاصم منیر اور سربراہانِ بحریہ و فضائیہ نے مشترکہ پیغام میں اس عزم کا اعادہ کیا ہے کہ قومی سلامتی اور علاقائی امن کے تحفظ کیلئے پاکستان کا عزم غیر متزلزل ہے۔

یہ بھی پڑھیں: ایکس اکاؤنٹ کون ہینڈل کرتا ہے؟ عمران خان کا نیشنل سائبرکرائم انویسٹی گیشن ایجنسی کو معلومات دینے سے انکار

آپریشن کی اہمیت

آئی ایس پی آر کی جانب سے کہا گیا کہ 27 فروری 2019ء کو شروع کیے گئے آپریشن سوئفٹ ریٹارٹ کے ذریعے بھارتی جارحیت کا فیصلہ کن جواب دیا گیا، اس کارروائی نے افواجِ پاکستان کی پیشہ ورانہ مہارت، تیاری اور دفاعی صلاحیتوں کو نمایاں کیا۔

یہ بھی پڑھیں: معتبر کامیڈین لکی ڈئیر کومہ میں چلے گئے، ڈاکٹروں نے جواب دے دیا

خطے میں تزویراتی توازن

پاک فوج کے شعبہ تعلقات عامہ نے مزید کہا کہ اس آپریشن نے مزید جارحیت کو روکا اور خطے میں تزویراتی توازن بحال کیا، قیادت نے اس موقع پر اس امر کا اعادہ کیا کہ افواجِ پاکستان ہر خطرے کا بھرپور مقابلہ کرنے کیلئے مکمل طور پر تیار ہیں۔

پاکستان کی خودمختاری

آئی ایس پی آر کے مطابق پاکستان اپنی خود مختاری کے تحفظ اور عالمی استحکام میں کردار ادا کرتا رہے گا۔