آلو کے کاشتکاروں کی بھی سنی گئی، وزیراعلیٰ کا 5 لاکھ ٹن آلو ایکسپورٹ کے آرڈر ملنے کا اعلان

وزیراعلیٰ مریم نواز کی زراعت میں انقلابی اقدامات

لاہور (ویب ڈیسک) وزیراعلیٰ مریم نواز شریف کی مخلصانہ کاوشیں رنگ لے آئی ہیں اور پنجاب کو 5 لاکھ ٹن سے زائد 'آلو' کی ایکسپورٹ کے آرڈر مل گئے۔ وزیراعلیٰ مریم نواز نے کسان کو خود مختار بنانے کے لیے اہم اقدامات کا اعلان بھی کردیا۔

یہ بھی پڑھیں: کراچی سے لاہور منتقل کرتے ہوئے 12 زرافے ایک دم مر گئے، ایک کی ٹانگ ٹوٹ گئی

اجلاس کی تفصیلات

تفصیل کے مطابق وزیراعلیٰ مریم نواز شریف کی زیر صدارت اہم اجلاس میں روایتی کھیتی باڑی سے جدید زراعت تک کسان کی تقدیر بدلنے والے بڑے فیصلے کیے گئے جن میں بنجر زمینوں کی آباد کاری، ہائیڈرو پونک، زرعی ایکسپورٹ، ٹریکٹرز، سپر سیڈرز، سولرئزیشن، اپنا کھیت، اپنا روزگار اور وظائف شامل ہیں۔

یہ بھی پڑھیں: موسم اور سیلاب کی صورتحال پر مسلسل نگرانی جاری ہے : سی ای او لیسكو

خصوصی اقدامات اور معاونت

بتایا گیا ہے کہ وزیراعلیٰ مریم نواز شریف نے ایگریکلچر انٹرنز کا ماہانہ وظیفہ 70 ہزار روپے کرنے کی منظوری بھی دے دی۔ پنجاب میں پہلی مرتبہ “روف ٹاپ ہائیڈرو پونک” پراجیکٹ متعارف کرانے کا فیصلہ کیا گیا ہے جس کے تحت دو مرلہ چھت پر 280 سے 350 پودے لگائے جا سکیں گے۔ پولی تھین شیٹ اور مخصوص سٹرکچر بنا کر گھر کی چھت پر 10 سے زائد قسم کی سبزیاں اگائی جا سکیں گی۔

یہ بھی پڑھیں: جون میں مہنگائی کی شرح 3 سے 4 فیصد کے درمیان رہنے کا امکان ہے: وزارت خزانہ

ہائیڈرو پونک سکیم کے پائلٹ پراجیکٹس

لاہور میں ہائیڈرو پونک سکیم کے 10 پائلٹ پراجیکٹ شروع کرنے کے لیے ہاؤسنگ سوسائیٹوں سے رابطوں کا فیصلہ کیا گیا۔

سی ایم گرین ٹریکٹر پروگرام

وزیراعلیٰ مریم نواز شریف نے سی ایم گرین ٹریکٹر پروگرام کے چوتھے فیز کی منظوری دے دی جس کے تحت ہائی ہارس پاور ٹریکٹر پر 15 لاکھ روپے سبسڈی دی جائے گی، جبکہ کم ہارس پاور ٹریکٹر پر سبسڈی 5 لاکھ سے 7 لاکھ روپے کر دی گئی ہے۔