پاکستان تعلقات معمول پر لانے کے لیے پُرعزم ہے بشرطیکہ افغان سرزمین پاکستان کے خلاف استعمال نہیں ہوگی، ظہور بلیدی

ایفغان طالبان کی جارحیت پر مذمت

کوئٹہ (ڈیلی پاکستان آن لائن) صوبائی وزیر ظہور بلیدی کا کہنا ہے کہ پاک افغان سرحد پر افغان طالبان فورسز کی جارحانہ اور اشتعال انگیز کارروائیوں کی شدید مذمت کرتے ہیں۔ اس نوعیت کی اشتعال انگیزیاں علاقائی امن اور استحکام کو نقصان پہنچاتی ہیں اور باہمی اعتماد کو مجروح کرتی ہیں۔

یہ بھی پڑھیں: وزیراعظم شہبازشریف سے چیئرمین پی سی بی کی ملاقات

پاکستانی مسلح افواج کا مؤثر جواب

اپنے ایکس بیان میں انہوں نے کہا کہ پاکستان کی مسلح افواج کی جانب سے فیلڈ مارشل عاصم منیر کی قیادت میں ملک کی علاقائی سالمیت کے دفاع کے لیے بروقت اور مؤثر جواب قابلِ تحسین ہے۔ وطن کے تحفظ اور سرحدوں کی سلامتی پر کوئی سمجھوتہ نہیں کیا جا سکتا۔

افغانستان کے ساتھ تعلقات کی بحالی

پاکستان ہمسایہ ملک افغانستان کے ساتھ تعلقات کو باہمی احترام اور برابری کی بنیاد پر معمول پر لانے کے لیے پُرعزم ہے، بشرطیکہ اس بات کی ٹھوس یقین دہانی کرائی جائے کہ افغان سرزمین پاکستان کے خلاف سرحد پار دہشت گردی کے لیے استعمال نہیں ہوگی۔