ملک میں لہسن، مٹن اور دال ماش سمیت 13 اشیائے ضروریہ مہنگی

اسلام آباد میں مہنگائی کی رپورٹ

اسلام آباد (ڈیلی پاکستان آن لائن) ادارہ شماریات کے مطابق گزشتہ ہفتے لہسن، مٹن اور دال ماش سمیت 13 اشیائے ضروریہ مہنگی ہوئیں۔ ٹماٹر، آلو اور چکن سمیت 14 چیزوں میں قیمتوں میں کمی ریکارڈ کی گئی۔

یہ بھی پڑھیں: ایس او ٹی ایونٹس 2024 کا کراچی میں آغاز

مہنگائی میں اضافہ

ادارہ شماریات کے مطابق گزشتہ ہفتے لہسن، مٹن، بیف، دال مسور، ماش، دہی اور خشک دودھ مہنگا ہوا۔ ایل پی جی اور کپڑوں کے دام بھی بڑھے۔ دوسری طرف ٹماٹر، آلو، چکن، پیاز، انڈے، آٹا، بریڈ اور چینی سستی ہوئی۔

یہ بھی پڑھیں: حکومت نے نجی سیکٹر کے ذریعے مجموعی طور پر 6.25 ملین میٹرک ٹن گندم خریداری کا منصوبہ تیار کرلیا

سالانہ بنیاد پر قیمتوں میں تبدیلی

سالانہ بنیاد پرگندم کا آٹا 29.81 فیصد، ٹماٹر 17 فیصد، سرخ مرچ 15 فیصد اور کیلے 12 فیصد مہنگے ہوئے۔ مٹن کی قیمت 9 فیصد، گڑ کی 8.36 اور لکڑی کی 11.40 فیصد تک بڑھی۔ سالانہ بنیاد پر گیس چارجز میں 30 فیصد اور بجلی ٹیرف میں 17 فیصد سے زائد اضافہ ریکارڈ کیا گیا۔