روزگار کے لیے بیرون ملک جانے والوں کی شرح میں ۱۹ فیصد اضافہ ہوگیا، وزارت خزانہ کی رپورٹ

بیرون ملک روزگار کی شرح میں اضافہ

اسلام آباد (ڈیلی پاکستان آن لائن) وزارت خزانہ کے مطابق روزگار کیلئے بیرون ملک جانے والوں کی شرح میں 19 فیصد اضافہ ہوگیا۔

یہ بھی پڑھیں: دوسرے ممالک بڑی تعداد میں آ رہے ہیں اور ہم سے ٹریننگ لینے کا کہہ رہے ہیں

جنوری کی رجسٹریشن کے اعداد و شمار

سما ٹی وی کے مطابق وزارت خزانہ کی ماہانہ اکنامک اپ ڈیٹ آؤٹ لک رپورٹ میں بتایا گیا ہے کہ جنوری میں 75 ہزار 663 ورکرز نے بیرونی ملازمت کیلئے رجسٹریشن کرائی، جنوری 2025 میں یہ تعداد 63 ہزار 559 ریکارڈ کی گئی تھی۔

یہ بھی پڑھیں: ورلڈ بینک کا پاکستان کو 40 ارب ڈالرز کی فراہمی کا اعلان، عملدرآمد فریم ورک پر کام شروع

معاشی ترقی کی بہتری

رپورٹ کے مطابق ملکی معیشت کی ترقی کے امکانات بہتر ہوئے ہیں، میکرو اکنامک استحکام، مہنگائی کے دباؤ میں کمی آئی ہے۔ عوام کی مدد کیلئے 38 ارب روپے کا رمضان ریلیف پیکج دیا گیا۔

یہ بھی پڑھیں: طیاروں کے بعد بھارت کی کرنسی بھی زمین بوس ہو گئی

مہنگائی کی موجودہ صورتحال

رواں ماہ مہنگائی 6 سے 7 فیصد کے درمیان رہنے کا امکان ہے۔ جنوری 2026 میں ملک میں مہنگائی کی شرح 5.8 فیصد تھی، جیو پولیٹکل غیر یقینی، اجناس کی عالمی قیمتوں میں اتار چڑھاؤ خطرہ قرار ہے۔

حکومتی مالیاتی توازن

وزارت خزانہ کے مطابق حکومت کی آمدن اور اخراجات کا توازن بہتر ہوا ہے، مہنگائی کی طرح کرنٹ اکاؤنٹ خسارہ بھی قابو میں رہا ہے۔ ڈالر کے مقابلے روپے کی قدر مستحکم ہوئی ہے، آئی ٹی برآمدات میں اضافہ ریکارڈ کیا گیا ہے۔ بینکوں کے سستے قرضوں سے کاروبار میں آسانی ہوئی۔ 6 ماہ میں بڑی صنعتوں کی پیداوار میں 4.8 فیصد بہتری آئی ہے۔