کوئی مذاکرات نہیں: پاکستان نے افغانستان کی مذاکرات کی تجویز مسترد کر دی

افغانستان کی مذاکرات کی تجاویز مسترد

اسلام آباد (ڈیلی پاکستان آن لائن) وزیراعظم پاکستان کے ترجمان برائے غیر ملکی میڈیا مشرف زیدی نے افغانستان کی مذاکرات کی تجاویز کو یکسر مسترد کر دیا ہے۔

یہ بھی پڑھیں: سونے 21ہزار200روپے مہنگا، فی تولہ قیمت 5لاکھ 72ہزار 862روپے ہو گئی

افغان طالبان کا بیان

تفصیلات کے مطابق مشرف زیدی کی جانب سے یہ بیان اس وقت سامنے آیا جب افغان طالبان کے ترجمان ذبیح اللہ مجاہد نے گزشتہ روز پریس کانفرنس میں کہا تھا کہ ان کا ملک کشیدگی کو مذاکرات کے ذریعے حل کرنے کے لیے تیار ہے۔

یہ بھی پڑھیں: 26ویں آئینی ترمیم منظور ہونے پر ممکنہ طور پر نیا چیف جسٹس کون ہوگا؟ بڑا دعویٰ

مشرف زیدی کا موقف

مشرف زیدی نے انٹرویو کے دوران بتایا کہ کوئی بات چیت نہیں ہوگی، کوئی مذاکرات نہیں، کوئی گفت و شنید نہیں،  افغانستان سے دہشت گردی بند ہونی چاہیے۔

پاکستان کی ذمہ داریاں

انہوں نے زور دے کر کہا کہ پاکستان کی ذمہ داری صرف اپنے شہریوں اور سرزمین کی حفاظت تک محدود ہے۔ انہوں نے واضح کیا کہ "اگر ہمیں معلوم ہو کہ کوئی دہشت گرد کسی مقام پر موجود ہے تو ہم اس مقام کو نشانہ بنا کر خطرے کو ختم کریں گے۔