کپتانی سے متعلق سوچ سمجھ کر فیصلہ کروں گا؛ سلمان علی آغا

سری لنکا کے ہیڈ کوچ کا استعفیٰ

کولمبو(ڈیلی پاکستان آن لائن)سری لنکا کے ہیڈ کوچ سنتھ جے سوریا نے ٹی ٹوئنٹی ورلڈ کپ میں مایوس کن کارکردگی کے بعد عہدہ چھوڑنے کا اعلان کر دیا ہے، جبکہ پاکستان کے کپتان سلمان آغا نے کہا ہے کہ وہ قیادت برقرار رکھنے یا نہ رکھنے کے فیصلے کے لیے وقت لیں گے۔

یہ بھی پڑھیں: قلات بس حملے میں زخمی صابری قوال گروپ کے رکن نے ویڈیو پیغام جاری کر دیا

ٹی ٹوئنٹی ورلڈ کپ میں سری لنکا کی کارکردگی

ٹی ٹوئنٹی ورلڈ کپ کے مشترکہ میزبان سری لنکا سپر ایٹ مرحلے تک تو پہنچ گیا، تاہم 2014 کا چیمپئن گروپ ٹو میں اپنے تینوں میچ ہار کر پوائنٹس ٹیبل پر آخری نمبر پر رہا۔

یہ بھی پڑھیں: اس سال کے اختتام تک سعودی عرب اور اسرائیل کے تعلقات معمول پر آئیں گے، ڈونلڈ ٹرمپ

جے سوریا کا عہدے سے مستعفی ہونے کا اعلان

ہفتے کے روز پاکستان کے خلاف سنسنی خیز شکست کے بعد جے سوریا نے کہا کہ اب وقت آ گیا ہے کہ یہ ذمہ داری کسی اور کو سونپ دی جائے۔ ان کے مطابق وہ دو ماہ قبل ہی اس نتیجے پر پہنچ چکے تھے اور انگلینڈ کے خلاف سیریز کے دوران عندیہ بھی دے دیا تھا کہ وہ زیادہ عرصہ اس عہدے پر نہیں رہیں گے۔
انہوں نے کہا کہ وہ چاہتے تھے کہ ورلڈ کپ میں ٹیم بہتر کارکردگی دکھائے تاکہ وہ اچھے انداز میں رخصت ہوں، لیکن ایسا نہ ہو سکا جس کا انہیں افسوس ہے۔ جے سوریا کا معاہدہ جون تک ہے، تاہم انہوں نے واضح کیا کہ وہ ابھی تک باضابطہ طور پر اپنا فیصلہ سری لنکا کرکٹ کو نہیں بتایا اور جلد بورڈ حکام سے مشاورت کریں گے۔

یہ بھی پڑھیں: راولپنڈی؛ شادی شدہ بیٹے کی والدہ سے نازیبا حرکات، ملزم گرفتار

پاکستان کی کارکردگی پر تنقید

دوسری جانب پاکستان کا بھی ٹورنامنٹ توقعات کے مطابق نہیں رہا۔ روایتی حریف بھارت کے ہاتھوں گروپ میچ میں بھاری شکست کے علاوہ دیگر میچوں میں بھی ٹیم کا مڈل آرڈر دباؤ میں مؤثر کارکردگی نہ دکھا سکا۔ سری لنکا کی اسپن ساز وکٹوں پر پاکستانی سلو بولرز بھی خاطر خواہ فائدہ نہ اٹھا سکے۔

یہ بھی پڑھیں: گاڑیوں میں چھپا ایسا بہترین فیچر جس کا علم بیشتر افراد کو نہیں

سلمان آغا کا تبصرہ

سلمان علی آغا نے صحافیوں سے گفتگو میں اعتراف کیا کہ ٹیم پورے ٹورنامنٹ میں اپنی صلاحیتوں کے مطابق کارکردگی نہیں دکھا سکی۔ ان کا کہنا تھا کہ دباؤ کے لمحات میں فیصلوں کی غلطیوں کے باعث ٹیم سیمی فائنل کی دوڑ سے باہر ہوئی۔
انہوں نے کہا کہ وہ اور ہیڈ کوچ مائیک ہیسن عالمی ایونٹ میں خراب کارکردگی کی مکمل ذمہ داری قبول کرتے ہیں۔ کپتان نے اپنی فارم پر بھی عدم اطمینان کا اظہار کیا، تاہم واضح کیا کہ وہ فوری طور پر قیادت چھوڑنے کا فیصلہ نہیں کریں گے。