امریکا اور اسرائیل کے ایران پر حملے خطے میں خطرناک کشیدگی کا باعث بن رہے ہیں، روسی مندوب برائے اقوام متحدہ

روسی مندوب کا بیان

اسلام آباد(ڈیلی پاکستان آن لائن) روسی مندوب برائے اقوام متحدہ نے اپنے بیان میں کہا ہے کہ امریکا اور اسرائیل کے ایران پر حملے خطے میں خطرناک کشیدگی کا باعث بن رہے ہیں. روس اور چین نے سلامتی کونسل اجلاس کی درخواست کی تھی، جس کی وجہ بین الاقوامی امن کو لاحق خطرات ہیں.

یہ بھی پڑھیں: قوم کو اپنے شہداء پر فخر ہے، سیکیورٹی فورسز ارض وطن کی حفاظت میں مصروف عمل ہیں: وزیر اعظم

حملوں کی تفصیلات

نجی ٹی وی چینل جیو نیوز کے مطابق روسی مندوب کا کہنا تھا کہ 24 فروری کی صبح امریکا اور اسرائیل نے ایران پر بڑے پیمانے پر حملے شروع کئے، جن میں سیاسی قیادت اور جوہری تنصیبات کو نشانہ بنایا گیا. ایرانی حکام کے مطابق 24 صوبوں میں 200 سے زائد افراد ہلاک ہونے کی اطلاعات ہیں. ان کا کہنا تھا کہ مناب سکول پر حملے میں درجنوں بچوں کی ہلاکت کی اطلاعات ہیں.

بین الاقوامی قوانین کی خلاف ورزی

امریکی اور اسرائیلی کارروائیاں یو این چارٹر اور بین الاقوامی قانون کی کھلی خلاف ورزی ہیں. یہ حملے خطے کو انسانی اور معاشی بحران کی طرف دھکیل سکتے ہیں. امریکی اور اسرائیلی حملوں سے جوہری سلامتی کو خطرات لاحق ہیں. ہم امریکا اور اسرائیل سے فوری فوجی کارروائیاں روکنے اور سفارتی عمل کا مطالبہ کرتے ہیں.