ایرانی فوجی قیادت کی اکثریت ہلاک کر دی گئی ہے، اسرائیل

اسرائیل کا ایران کے خلاف بڑا حملہ

تل ابیب (ڈیلی پاکستان آن لائن) اسرائیل نے دعویٰ کیا ہے کہ امریکہ کے ساتھ مشترکہ کارروائی میں ایران پر کیے گئے ابتدائی فضائی حملوں کے دوران ایرانی فوجی قیادت کی اکثریت ہلاک کر دی گئی ہے۔ اسرائیلی فوج نے اس کارروائی کو “تاریخی حملہ” قرار دیتے ہوئے کہا ہے کہ یہ کامیابی اعلیٰ سطحی عسکری انٹیلی جنس کی بنیاد پر حاصل کی گئی۔

یہ بھی پڑھیں: پاکستانی باکسر عثمان وزیر کا اگلی فائٹ کا اعلان

ہلاکتوں کی تعداد اور اہم کمانڈر

آئی ڈی ایف کے مطابق ان حملوں میں ایران کے کم از کم 40 سینئر کمانڈرز مارے گئے۔ اسرائیلی فوج کا کہنا ہے کہ زیادہ تر کمانڈرز کو دو الگ الگ مقامات پر بیک وقت کیے گئے حملوں میں نشانہ بنایا گیا، تاہم تمام ہلاک ہونے والوں کے نام ظاہر نہیں کیے گئے۔ آئی ڈی ایف کے مطابق ہلاک ہونے والوں میں ایرانی چیف آف اسٹاف لیفٹیننٹ جنرل عبد الرحیم موسوی بھی شامل ہیں۔ ایرانی سرکاری میڈیا نے بھی تصدیق کی ہے کہ موسوی اور دیگر اعلیٰ سیکیورٹی حکام امریکی۔اسرائیلی حملوں میں مارے گئے۔

یہ بھی پڑھیں: موٹر وے ریپ کیس، سزائے موت کے قیدیوں عابدملہی اور شفقت بگا کی اپیلوں سے متعلق تازہ خبر آگئی

ایرانی فضائی دفاعی نظام کا خاتمہ

سی این این کے مطابق اسرائیلی فوج نے مزید دعویٰ کیا ہے کہ اس نے مغربی اور وسطی ایران میں ایران کے فضائی دفاعی نظام کو تباہ کر دیا ہے، جس کے بعد اسرائیلی فضائیہ تہران کی فضائی حدود پر برتری قائم کر رہی ہے۔ فوجی بیان میں کہا گیا ہے کہ اسرائیلی ایئر فورس دفاعی اور جارحانہ دونوں محاذوں پر وسیع پیمانے پر کارروائیاں جاری رکھے ہوئے ہے تاکہ اسرائیل کو درپیش خطرات کا مکمل خاتمہ کیا جا سکے۔

بین الاقوامی ردعمل اور کشیدگی کی صورتحال

دوسری جانب ایران کی جانب سے ان دعوؤں پر باضابطہ اور مکمل ردعمل سامنے نہیں آیا، تاہم سرکاری ذرائع نے ہلاکتوں کی جزوی تصدیق کی ہے۔ خطے میں کشیدگی کے اس غیر معمولی اضافے کے بعد صورتحال تیزی سے بدل رہی ہے اور عالمی برادری کی نظریں اس پیش رفت پر جمی ہوئی ہیں۔