انتقام کو اپنا جائز حق اور فرض سمجھتے ہیں، امریکی اور اسرائیلی حملوں کے بعد ایرانی صدر کا پہلا بیان

ایران پر حملے کے بعد صدر کا ردعمل

تہران(ڈیلی پاکستان) گزشتہ روز ایران پر امریکہ اور اسرائیل کی جانب سے ہونے والے حملے کے بعد ایران کے صدر مسعود پزشکیان کا پہلا بیان سامنے آیا ہے۔ انہوں نے کہا کہ انتقام کو اپنا جائز حق اور فرض سمجھتے ہیں، اور انتقام کا فرض ادا کرنے کی ہر ممکن کوشش کریں گے۔ صدر مسعود پزشکیان نے مزید کہا کہ آیت اللہ خامنہ ای کی شہادت مسلمانوں کے خلاف اعلان جنگ ہے۔

یہ بھی پڑھیں: خیبرپختونخوا میں آج اور کل بارش اور برفباری کی پیشگوئی، پی ڈی ایم اے نے الرٹ جاری کر دیا

وزیر خارجہ کا تعزیتی پیغام

دوسری جانب، ایران کے وزیر خارجہ عباس عراقچی نے آیت اللہ خامنہ ای کی شہادت پر تعزیتی پیغام میں کہا کہ آیت اللہ خامنہ ای ثابت قدم، تدبیر میں عمیق اور راہِ حق میں استقامت کے پیکر تھے۔ انہوں نے کہا کہ آیت اللہ خامنہ ای عزت، حکمت اور استقامت کا ایک دائمی ورثہ چھوڑ گئے۔ یہ ایسی عظیم شخصیت کی شہادت بلاشبہ ایک بڑا نقصان اور دل خراش غم ہے۔