وزیراعظم کی زیر صدارت سیکیورٹی صورتحال پر اجلاس،فیلڈ مارشل اور اعلیٰ و سول حکام کی شرکت ، افغان طالبان کی جارحیت کیخلاف کارروائی اور اہم امور پر بریفنگ

اجلاس کی تفصیلات

اسلام آباد (ڈیلی پاکستان آن لائن) وزیراعظم شہباز شریف کی زیر صدارت خطے کی موجودہ سیکیورٹی صورتحال پر اجلاس میں پاکستان کی مغربی سرحد پر افغان طالبان کی جاری جارحیت کے خلاف جوابی کارروائی کا جائزہ لیا گیا۔

یہ بھی پڑھیں: ٹرمپ کا دورہ سعودی عرب : دونوں ممالک کے درمیان اسٹریٹجک اقتصادی شراکت داری کے معاہدے پر دستخط

شرکاء کی معلومات

اجلاس میں فیلڈ مارشل سید عاصم منیر چیف آف آرمی سٹاف و چیف آف ڈیفنس فورسز، وفاقی وزراء احسن اقبال، محسن نقوی، اعظم نذیر تارڑ، احد خان چیمہ، عطاء اللہ تارڑ، علی پرویز ملک، معاون خصوصی طارق فاطمی اور اعلیٰ سول و عسکری حکام نے شرکت کی۔

یہ بھی پڑھیں: وزیراعلیٰ سہیل آفریدی آئس نیٹ ورک کے سربراہ نکلے، صحافی مشتاق وزیر کی نئی ڈاکومنٹری نے تہلکہ مچا دیا

سیکیورٹی کا جائزہ

اجلاس میں بدلتی عالمی سیکیورٹی صورتحال اور ملک بھر میں امن و امان کی صورت حال کا جائزہ لیا گیا۔ شرکاء نے پاک افواج کی فتنہ الخوارج کے خلاف مؤثر و جامع کارروائیوں کی تعریف کی۔

یہ بھی پڑھیں: لاہور کے لوگوں نے ہمارا بہت اچھا استقبال کیا، ہم لاہور فتح کرنے نہیں 8 فروری کے حوالے سے تحریک چلانے آئے تھے، محمود خان اچکزئی

پاکستان کی سالمیت کا تحفظ

شرکاء نے پاکستان کی سالمیت، خود مختاری اور وقار کی ہر قیمت پر حفاظت کے عزم کا اعادہ کیا۔

یہ بھی پڑھیں: کینیڈا نے 13 ممالک کے شہریوں کے لیے ویزا فری انٹری کا اعلان کر دیا

بین الاقوامی حالات پر غور

اجلاس میں امریکا اور اسرائیل کی جانب سے ایران پر حملے کے بعد پیدا ہونے والی صورتحال پر غور کیا گیا، ساتھ ہی مشرق وسطیٰ اور خلیجی ممالک میں ہونے والے حملوں کے بعد کی صورتحال پر بھی بحث کی گئی۔ عالمی سیکیورٹی صورتحال کے تناظر میں جامع و متفقہ قومی خارجہ و داخلہ پالیسی کی تشکیل کے عزم کا اعادہ کیا گیا۔

ایران سے پاکستانی شہریوں کا انخلاء

وزیراعظم کی ہدایت پر پاکستانی شہریوں کے ایران سے انخلاء کے اقدامات کا بھی جائزہ لیا گیا اور ان کی بحفاظت واپسی کے لیے دفتر خارجہ نے تفصیلی بریفنگ دی۔ بریفنگ میں بتایا گیا کہ آذربائیجان کے ذریعے پاکستانی شہریوں کے ایران سے انخلاء کو ممکن بنایا جا رہا ہے۔