وفاقی کابینہ کا کل طلب کیا گیا اہم اجلاس مؤخر

کابینہ اجلاس کی تاریخ میں تبدیلی

اسلام آباد (ڈیلی پاکستان آن لائن) وفاقی کابینہ کا کل طلب کیا گیا اجلاس مؤخر کر دیا گیا ہے۔

یہ بھی پڑھیں: اسلام آباد کے ریڈ زون میں اہم عمارتوں کے اطراف جنگلی جانور گھومنے کی ویڈیو وائرل

اجلاس کی نئی تاریخ

’’جنگ‘‘ کے مطابق اسلام آباد سے ذرائع نے اطلاع دی ہے کہ وزیراعظم کی زیرصدارت کابینہ کا یہ اجلاس اب منگل کو ہوگا۔ اس سے قبل یہ اجلاس وزیراعظم شہباز شریف کی زیر صدارت پیر کو مجلس شوریٰ کے اجلاس سے قبل بلایا گیا تھا جس میں اہم قومی اور بین الاقوامی امور پر غور کیا جانا تھا۔

یہ بھی پڑھیں: پاکستان کا میچ ریفری ہٹانے کا مطالبہ مسترد ہونے کی خبریں بے بنیاد ہیں، پی سی بی ذرائع

اجلاس کے ایجنڈے میں شامل امور

ذرائع کے مطابق اب منگل کو کابینہ کے اجلاس میں خطے میں بڑھتی کشیدگی اور جنگی صورتحال کا تفصیلی جائزہ لیا جائے گا۔ کابینہ کو ایران، اسرائیل کشیدگی سمیت علاقائی صورتحال پر بریفنگ دی جائے گی۔ قومی سلامتی سے متعلق امور بھی کابینہ اجلاس کے ایجنڈے میں شامل ہیں۔ ملک کی داخلی صورتحال اور افغانستان کے خلاف کارروائیوں پر مشاورت بھی کی جائے گی، جبکہ امریکا کے خلاف احتجاجی مظاہروں پر کابینہ کو بریفنگ دی جائے گی۔

احتجاجی مظاہروں کی سیکیورٹی

ذرائع کے مطابق احتجاجی مظاہروں کے سیکیورٹی پہلوؤں کا جائزہ اور آئندہ کی حکمت عملی پر بھی غور کیا جائے گا۔ وفاقی کابینہ کے اجلاس میں اہم فیصلوں کا امکان ہے۔