ٹی ٹوئنٹی ورلڈ کپ کے سیمی فائنل میں پہنچنے کے بعد بھارتی کپتان کا بیان

کپتان سوریا کمار یادو کی خوشی کا اظہار

کولکتہ (ڈیلی پاکستان آن لائن) بھارتی کرکٹ ٹیم کے کپتان سوریا کمار یادو نے ویسٹ انڈیز کے خلاف سیمی فائنل کی دوڑ کے لیے اہم ترین میچ میں فتح کے بعد خوشی کا اظہار کرتے ہوئے کہا ہے کہ یہ ایک 'کرو یا مرو' والا مقابلہ تھا جس میں کھلاڑیوں نے بہترین فائٹنگ اسپرٹ اور کردار کا مظاہرہ کیا۔

یہ بھی پڑھیں: کیلیفورنیا کے سمندر میں تارکین وطن کی کشتی ڈوبنے سے 3 افراد ہلاک، متعدد لاپتا

سنجو سیمسن کی شاندار اننگز

میچ کے بعد گفتگو کرتے ہوئے انہوں نے سنجو سیمسن کی 97 رنز کی شاندار اننگز کی تعریف میں کہا کہ "اچھے لوگوں کے ساتھ ہمیشہ اچھا ہی ہوتا ہے جو صبر سے کام لیتے ہیں، سنجو نے ٹیم سے باہر رہ کر جو سخت محنت کی تھی، آج اس کا پھل انہیں بالکل درست وقت اور اہم مرحلے پر مل گیا ہے۔"

یہ بھی پڑھیں: خیبرپختونخوا میں جائیداد کے تنازعات پر فائرنگ، 5 افراد قتل

باؤلنگ اور ہدف پر تبصرہ

ویسٹ انڈیز کے 195 رنز کے مجموعے پر تبصرہ کرتے ہوئے کپتان نے کہا کہ ہمارے باؤلرز نے پلان کے مطابق باؤلنگ کی، ہمیں معلوم تھا کہ شبنم کی وجہ سے گیند بلے پر اچھی طرح آئے گی اور یہاں 200 رنز کا ہدف حاصل کرنا ممکن ہے، بلے بازوں نے چھوٹی چھوٹی شراکت داریوں سے ہدف کو آسان بنا دیا۔

سیمی فائنل میں کامیابی کا اعلان

سیمی فائنل میں پہنچنے پر انہوں نے کہا کہ پہلے میچ سے اب تک ہماری کارکردگی اس مقام کی حقدار تھی۔ دباؤ کے حوالے سے پوچھے گئے سوال پر سوریا کمار کا کہنا تھا کہ "توقعات ہمیشہ رہتی ہیں لیکن میدان میں آپ کو معلوم ہونا چاہیے کہ آپ نے کیا کرنا ہے، میں نے لڑکوں سے کہا تھا کہ ایسے بڑے میچز میں ہمت دکھانی ہوگی اور مثبت آپشنز لینے ہوں گے۔ سچ تو یہ ہے کہ جہاں دباؤ نہ ہو وہاں کھیلنے کا مزہ بھی نہیں آتا، دباؤ میں گھبراہٹ (Butterflies) ضرور ہوتی ہے لیکن اصل چیز یہ ہے کہ آپ اسے سمجھتے کیسے ہیں اور اس کا سامنا کیسے کرتے ہیں۔"