پاکستان اور عمان کے فیلڈ ہاکی کے کھلاڑیوں، کوچز اور عہدیداران کے اعزاز میں افطار، سینئر عہدیداران کی بھی شرکت

افطار و عشائیہ کا اہتمام

دبئی (طاہر منیر طاہر) - چیئرمین SFG گروپ شیخ سید فیاض علی شاہ کی جانب سے پاکستان اور عمان کے فیلڈ ہاکی کے کھلاڑیوں، کوچز اور عہدیداران کے اعزاز میں افطار و عشائیہ کا اہتمام کیا گیا۔

یہ بھی پڑھیں: پی ٹی آئی لیڈر شپ نے مولانا فضل الرحمان کو دھوکا دیا، فواد چوہدری

تقریب میں شرکت

اس تقریب میں کمیونٹی ممبران، کھیلوں کے شائقین اور ممتاز معززین کی ایک بڑی تعداد نے شرکت کی۔ اس تقریب نے کھیلوں، اتحاد اور ثقافتی تبادلے کا جشن منایا۔ عمان ہاکی فیڈریشن کے چیئرمین مروان الجمعہ اور سینئر عہدیداران نے خصوصی طور پر عمان ہاکی ٹیم کے اراکین کے ہمراہ اس پر وقار تقریب میں شرکت کی، جو کہ پاکستان اور عمان کے مابین ہاکی کے ٹورنامنٹ کے ساتھ ساتھ جذبۂ خیر سگالی اور باہمی دوستی کی نمایاں عکاسی کرتی تھی۔

یہ بھی پڑھیں: کراچی، جمالی پل کے قریب جھگیوں میں جھگڑے کے دوران سسر نے مبینہ طور پر بیٹوں کے ہمراہ ڈنڈوں کے وار سے داماد کو قتل کر دیا۔

مہمانوں سے خطاب

مہمانوں سے خطاب کرتے ہوئے شیخ سید فیاض علی شاہ نے بیرون ملک قومی ٹیموں کی حمایت اور نوجوانوں کی کھیلوں میں شمولیت کے فروغ کی اہمیت پر روشنی ڈالی۔ انہوں نے کہا کہ کمیونٹی کی زیرقیادت اس طرح کی تقاریب نہ صرف کھلاڑیوں کی حوصلہ افزائی کے لیے ضروری ہیں بلکہ نوجوان نسلوں کو مختلف کمیونٹیز میں خیر سگالی کو فروغ دیتے ہوئے کھیلوں میں بہترین کارکردگی کا مظاہرہ کرنے کی ترغیب دلانے کا مظہر بھی ہیں۔

یہ بھی پڑھیں: راولپنڈی: تیز رفتار ڈمپر نے 2 موٹرسائیکلوں کو ٹکر مار دی، 18سالہ لڑکی جاں بحق

پاکستانی کمیونٹی کی شرکت

اس پروقار اور یادگار تقریب میں پاکستانی کمیونٹی کے ممتاز اراکین، کاروباری رہنماؤں، اور سماجی شخصیات نے کثیر تعداد میں شرکت کی۔ اور ہاکی کی شراکت کی لیے منتظمین کی سراہنا کی۔ اس بات پر زور دیا گیا کہ اس طرح کی مثبت سرگرمیاں بین الاقوامی طور پر دو ملکوں کی ثقافتی ورثہ کے تبادلے کے لیے ایک پل کا کام کرتی ہیں اور باہمی روابط و خیر سگالی کے جذبے کو فروغ دینے کے ساتھ ساتھ باہمی طور پر سماجی، سیاسی، معاشرتی تعاون کی راہ ہموار کرتی ہیں۔ پاکستان اور عمان ہاکی کے نمائندوں کی موجودگی نے دونوں ممالک کے مابین دوستانہ تعلقات کو مزید اجاگر کیا۔

یہ بھی پڑھیں: سیاسی جماعتوں سے نمٹنے کا واحد راستہ مذاکرات ہی ہیں، خالد مقبول صدیقی

تقریب کا اختتام

اس پروقار تقریب کا اختتام کمیونٹی رہنماؤں کی طرف سے دورہ کرنے والی ٹیموں اور نوجوانوں کی کھیلوں کی سرگرمیوں کے لیے مسلسل حمایت کے ساتھ ہوا۔ یقینا، اس طرح کی مثبت پیش رفت بیرون ممالک میں مقیم ہم وطنوں کے رمضان کے مقدس مہینے میں مہمان نوازی کے پرخلوص جذبے کو ظاہر کرتی ہے۔ پاکستان سے پہلی بار 19 سال سے کم عمر کھلاڑیوں پر مبنی ٹیم کو عمان کی مہمان نوازی یہاں کی صاف ستھری شاہراہوں، قانون کی بالا دستی، اور بلدیاتی انتظامات کے لیے حکومتی سطح پر نافذ کیے گئے نظم و نسق نے بہت متاثر کیا۔

لوح سپاس کی پیشکش

تقریب کے اختتام پر سید فیاض گروپ کی جانب سے عمان ہاکی فیڈریشن کے چیئرمین ڈاکٹر مروان الجمعہ کو لوح سپاس پیش کی گئی۔ اب تک دونوں ٹیموں کے مسقط کے بوشر اسٹیڈیم میں دو میچز ہو چکے ہیں اور دونوں ٹیموں نے ایک ایک میچ جیت کر مقابلہ برابر رکھا ہے۔