پیٹرولیم مصنوعات کی قیمتوں میں حالیہ اضافہ ہائیکورٹ میں چیلنج کر دیا گیا

لاہور ہائی کورٹ میں پیٹرولیم مصنوعات کی قیمتوں کا چیلنج

لاہور (ڈیلی پاکستان آن لائن) پیٹرولیم مصنوعات کی قیمتوں میں حالیہ اضافے کو لاہور ہائی کورٹ میں چیلنج کر دیا گیا۔

یہ بھی پڑھیں: ہم افغانستان کی بگرام ائیربیس اپنے پاس رکھیں گے اور اسے کسی کو نہیں دیں گے، ڈونلڈ ٹرمپ

درخواست کا مؤقف

''جنگ'' کے مطابق درخواست میں مؤقف اختیار کیا گیا ہے کہ پیٹرول کی قیمت میں 8 روپے اور ڈیزل کی قیمت میں 5 روپے 16 پیسے کا اضافہ کیا گیا، جو کہ غیرآئینی اور عوام دشمن اقدام ہے۔ حکومت عالمی منڈی کے مطابق پیٹرولیم کی قیمتیں مقرر نہیں کر رہی، جبکہ ملک میں پہلے ہی مہنگائی اور بے روزگاری ہے، جو مزید مہنگائی کا سبب بنے گی۔

یہ بھی پڑھیں: پاکستان ہاکی ٹیم کے دورے انگلینڈ اور بیلجیم کے لیے فنڈز جاری

متفرق درخواست

یہ متفرق درخواست جوڈیشل ایکٹوازم پینل کی جانب سے دائر کی گئی ہے۔

عدالت سے استدعا

درخواست میں استدعا کی گئی ہے کہ عدالت پیٹرولیم مصنوعات کی قیمتوں میں حالیہ اضافے کے نوٹیفکیشن کو کالعدم قرار دے۔