پنجاب بھر میں 3 لاکھ سے زائد افطار میلز تقسیم کیے جائیں گے، ابراہیم مراد

رمضان المبارک میں فلاحی اقدام

لاہور ( ڈیلی پاکستان آن لائن ) بانی والنٹیئر لیڈنگ گورننس ابراہیم مراد کا رمضان المبارک میں وسیع پیمانے پر فلاحی اقدام، پنجاب بھر میں 3 لاکھ سے زائد افطار میلز تقسیم کیے جائیں گے.

یہ بھی پڑھیں: کسی قانون کو نہیں مانتا، ہر ملک میں فوجی کارروائی کرنے کے لیے آزاد ہیں: ٹرمپ

افطار میلز کی تقسیم

بانی والنٹیئر لیڈنگ گورننس ابراہیم مراد نے کہا ہے کہ پنجاب کے 40 اضلاع میں روزانہ کی بنیاد پر 10 ہزار سے زائد افطار میلز تقسیم کیے جا رہے ہیں، وی ایل جی کے رضاکار محبت، اخوت اور خدمت کے جذبے سے عوامی خدمت میں پیش پیش ہیں۔ رمضان میں خوشیاں بانٹنا اور کمزور طبقات کا سہارا بننا ہمارا مشن ہے۔

اجتماعی کاوشوں کی اہمیت

سابق صوبائی وزیر و بانی وی ایل جی ابراہیم مراد کا مزید کہنا تھا کہ اجتماعی کاوشوں اور اتحاد سے ہی معاشرے میں مثبت اور دیرپا تبدیلی ممکن ہے، وی ایل جی کا عزم، خدمتِ خلق کے دائرہ کار کو مزید وسعت دینا ہے۔ وی ایل جی آئندہ بھی انسانیت کی خدمت اور فلاحی سرگرمیوں کا سلسلہ جاری رکھے گا۔