مشرق وسطیٰ میں کشیدگی، وزیراعظم کے ملائیشیا اور انڈونیشیا کے سربراہان سے ٹیلی فونک رابطہ، معاملات تعمیری بات چیت اور سفارت کاری سے حل کرنے پر زور دیا

پاکستان کے عالمی رہنماؤں سے رابطے

اسلام آباد (ڈیلی پاکستان آن لائن) مشرق وسطیٰ میں کشیدگی اور ایران پر اسرائیلی حملوں کے بعد کی صورت حال پر پاکستان کے عالمی رہنماؤں سے رابطے جاری ہیں۔ وزیر اعظم نے ملائیشیا اور انڈونیشیا کے سربراہان سے ٹیلی فونک رابطہ کیا۔

یہ بھی پڑھیں: مداحوں کے مطابق یہاں سب کچھ ممکن ہے، بابر سے شادی کے سوال پر ہانیہ کا جواب

وزیر اعظم کا ملائیشیا کے ساتھ رابطہ

اعلامیے کے مطابق وزیراعظم محمد شہبازشریف اور ملائیشین ہم منصب داتو سری انور ابراہیم کے درمیان ٹیلی فونک رابطہ ہوا۔ اس دوران شہباز شریف نے ایران کے خلاف اسرائیل کے حملوں اور برادر خلیجی ممالک کے خلاف حملوں کے بعد مشرق وسطیٰ میں جاری کشیدگی پر اپنی شدید تشویش کا اظہار کیا۔ انہوں نے اقوام متحدہ کے چارٹر اور بین الاقوامی قانون میں درج تمام ریاستوں کی خودمختاری اور علاقائی سالمیت کے احترام کو برقرار رکھنے کی ضرورت پر زور دیا۔

یہ بھی پڑھیں: ایران امریکا بالواسطہ جوہری مذاکرات کل عمان میں ہوں گے

احتیاط اور مذاکرات کی ضرورت

دونوں رہنماؤں نے اتفاق کیا کہ امن کی بحالی اور معاملات کو معمول پر لانا انتہائی ضروری ہے تاہم یہ تمام فریقین کی جانب سے زیادہ سے زیادہ تحمل کے استعمال سے ہی ممکن ہے۔ اس سلسلے میں دونوں رہنماؤں نے مل کر کام کرنے اور اپنے مؤقف کو مستقل بنیادوں پر مربوط کرنے پر اتفاق کیا۔

یہ بھی پڑھیں: ہری پوری میں افغان خاتون کے ساتھ 5 افغان پناہ گزین نوجوانوں کی اجتماعی زیادتی

افغانستان کی تازہ صورت حال

شہباز شریف نے وزیر اعظم انور ابراہیم کو افغانستان کے تناظر میں حالیہ پیش رفت سے بھی آگاہ کیا۔ انہوں نے خاص طور پر خطے اور اس سے باہر دہشت گردی کے خاتمے کے لیے پاکستان کی کوششوں کا ذکر کیا۔ دونوں رہنمائوں نے باہمی دلچسپی کے امور پر قریبی روابط برقرار رکھنے پر اتفاق کیا۔

یہ بھی پڑھیں: بھارت سے میچ کے بائیکاٹ کے معاملے پر بات کرنے کے لیے آئی سی سی کے ڈپٹی چیئرمین پاکستان پہنچ گئے۔

انڈونیشیا کے ساتھ رابطہ

بعد ازاں وزیراعظم اور انڈونیشیا کے صدر ابوو سوبیانتو کے درمیان ٹیلیفونک رابطہ ہوا جس میں دونوں رہنماؤں نے مشرق وسطیٰ میں بڑھتے ہوئے بحران پر گہری تشویش کا اظہار کیا۔ وزیر اعظم نے ایران پر اسرائیل کے حملوں کے ساتھ ساتھ دوسرے برادر خلیجی ممالک پر ہونے والے افسوسناک حملوں کی شدید مذمت کی۔

یہ بھی پڑھیں: بیلاروس کے صدر کا وزیراعظم اور نواز شریف کے اعزاز میں عشائیہ، غیر معمولی گرمجوشی کا اظہار

سفارتی رابطوں کی اہمیت

وزیر اعظم نے انڈونیشیا کے صدر کو بحران کے تناظر میں تمام خلیجی ممالک کے ساتھ پاکستان کی سفارتی رابطے کی کوششوں سے آگاہ کیا۔ دونوں رہنماؤں نے تمام فریقین پر زیادہ سے زیادہ تحمل کا مظاہرہ کرنے اور تمام معاملات کو تعمیری بات چیت اور سفارتکاری کے ذریعے حل کرنے پر زور دیا۔

قریبی رابطے کی یقین دہانی

ٹیلی فون کال کے دوران وزیراعظم نے صدر پرابوو سوبیانتو کو افغانستان کے حوالے سے حالیہ پیش رفت سے بھی آگاہ کیا۔ دونوں رہنماؤں نے آنے والے دنوں میں قریبی رابطے میں رہنے پر اتفاق کیا۔