رمضان رحمت اور بھائی چارے کا مہینہ، ایسے اجتماعات سے کاروباری تعلقات مضبوط ہوتے ہیں، افتخار احمد چیمہ

سعودی عرب میں پاکستانیوں کی اہمیت

جدہ (محمد اکرم اسد) سابق وفاقی وزیر شہباز حسین چوہدری نے کہا ہے کہ سعودیہ میں مقیم ہر پاکستانی مملکت کی سلامتی کے لئے اسکا سپاہی ہے۔ ہمیں موجودہ حالات میں ہوشیار رہنا ہو گا اور کسی قسم کی بھی منفی سرگرمیوں سے اجتناب کرنا ہو گا جبکہ مملکت کی جانب سے جاری ہدایات کو ہی حرف آخر سمجھا جائے۔

یہ بھی پڑھیں: مصر کی شاندار ترقی کے قصے،پاکستان کی فخر و طاقت کے ساتھ

افطار ڈنر کی تقریب

ان خیالات کا اظہار انہوں نے اسپنزر حال میں سابق مشیر وزیر اعلیٰ پنجاب و سینئر نائب صدر پاکستان انویسٹرز فورم چوہدری افتخار احمد چیمہ کی جانب سے پاکستان انویسٹرز فورم کے اراکین اور کمیونٹی کی سرکردہ شخصیات کے اعزاز میں منعقدہ ایک پرتکلف افطار ڈنر عشائیہ کے دوران کیا۔ انہوں نے کہا کہ رمضان ہمیں آپس میں دوریاں ختم کر کے بھائی چارے کے فروغ کی تلقین کرتا ہے، اور آج کی یہ افطار اسکی مثال ہے۔

اسی سلسلے میں چوہدری افتخار احمد چیمہ نے اپنے استقبالیہ خطاب میں تمام مہمانوں کا شکریہ ادا کرتے ہوئے کہا کہ رمضان المبارک رحمت اور برکتوں کا مہینہ ہے۔ انہوں نے کہا کہ "مجھے اعزاز حاصل ہے کہ کمیونٹی کی سرکردہ شخصیات نے اس تقریب میں شرکت فرمائی۔ اس طرح کے اجتماعات سے نہ صرف وطن کی یاد تازہ ہوتی ہے بلکہ آپس میں بھائی چارہ بھی بڑھتا ہے اور ایک دوسرے کے ساتھ کاروباری تعلقات قائم کرنے میں بھی مدد ملتی ہے۔"

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟

مقررین کے خیالات

اس خصوصی تقریب میں سابق مشیر برائے وزیر اعلیٰ پنجاب و چئیرمین انویسٹرز فورم چوہدری اظہر عباس وڑائچ، صدر پاکستان انویسٹرز فورم چوہدری شفقت محمود، جنرل سیکرٹری مہر عبدالخالق لک، چئیرمین مسلم لیگ ن سعودی عرب چوہدری اکرم گجر سمیت دیگر نے بھی خطاب کیا۔ مقررین نے چوہدری افتخار احمد چیمہ کا شاندار افطار ڈنر سجانے پر شکریہ ادا کیا۔

ان کا کہنا تھا کہ اس قسم کے ایونٹس کمیونٹی کا پیار بڑھاتے ہیں۔ مقررین نے مزید کہا کہ "یہ ایونٹ پاکستان انویسٹرز فورم کے لیے خاص طور پر اہمیت رکھتا ہے، کیونکہ اس میں بڑی تعداد میں کمیونٹی شریک ہوئی ہے۔ اس موقع پر ہم کمیونٹی کو آگاہ کرتے ہیں کہ پاکستان انویسٹرز فورم کس طرح پاکستانی تاجروں کی معاونت کر رہا ہے اور اپنے سرمایہ کاروں کو پاکستان میں زیادہ سے زیادہ سرمایہ کاری کی ترغیب دے رہا ہے، تاکہ ملک کی معیشت بہتر ہو سکے اور وطن عزیز ترقی کی راہ پر گامزن ہو۔"