خیبر پختونخوا حکومت کا وادیٔ پشاور میں وفاق کے تعاون سے ٹرین چلانے کا فیصلہ

پشاور میں نئی ٹرین سروس کا آغاز

پشاور (ڈیلی پاکستان آن لائن) خیبر پختون خوا حکومت نے وادیٔ پشاور میں وفاق کے تعاون سے ٹرین چلانے کا فیصلہ کیا ہے۔

یہ بھی پڑھیں: راولپنڈی اور جہلم میں موسلادھار بارش، مختلف واقعات میں تین افراد جاں بحق

پشاور ویلی ریلوے منصوبہ

پشاور میں چیف سیکریٹری خیبر پختون خوا نے سیکریٹری اور چیئرمین ریلویز کو خط ارسال کیا ہے، مجوزہ ٹرین منصوبے کا نام "پشاور ویلی ریلوے" رکھنے پر اتفاق ہوا ہے۔

یہ بھی پڑھیں: لاہور: ٹرین کی زد میں آ کر 11 سالہ بچہ جاں بحق

منصوبے کے فوائد

خیبر پختون خوا کے سیکریٹری محکمۂ ٹرانسپورٹ محمد زبیر نے "جیو نیوز" سے بات چیت کرتے ہوئے کہا ہے کہ مجوزہ منصوبہ گیم چینجر ہو گا۔ پہلی مرتبہ صوبائی اور وفاقی حکومتیں مل کر کام کریں گی، جس سے کے پی حکومت کو انفرااسٹرکچر کی تعمیر میں بچت ہوگی۔ منصوبے سے ریلوے کا بزنس بڑھے گا اور آمدن بھی ہوگی۔

یہ بھی پڑھیں: سفارت کاری کا دروازہ یقینی طور پر بند ہوچکا: ایرانی وزیر خارجہ کا اقوام متحدہ کو خط

منصوبے کی تفصیلات

خط میں کہا گیا ہے کہ کے پی حکومت ریلویز انفرااسٹرکچر پر ریل کار اور ڈیزل ملٹی پل یونٹس چلانے پر کام کر رہی ہے۔ منصوبے کی پیشگی فزیبلٹی اسٹڈی پر زمین پر کام شروع کر دیا گیا ہے۔ پہلے مرحلے میں 62 کلومیٹر پر مشتمل پشاور-نوشہرہ-جہانگیرہ ریلوے سکیشن پر کام ہو گا جبکہ دوسرے مرحلے میں 65 کلومیٹر نوشہرہ-مردان-درگئی ریلوے سیکشن پر کام کیا جائے گا، اس کے علاوہ 27 کلو میٹر مردان-چارسدہ سیکشن اور 18 کلو میٹر پشاور-جمرود سیکشن اور بعد میں 60 کلو میٹر پر مشتمل کوہاٹ-جنڈ ریلوے سیکشن پر بھی کام کیا جائے گا۔

یہ بھی پڑھیں: نتیجہ تب ہی نکلے گا جب گفتگو جاری رہے گی، عمران خان کو سائیڈ پر رکھ کر کوئی گفتگو نہیں ہو سکتی، سلمان اکرم راجا

اجلاس اور تعاون

خط میں کہا گیا ہے کہ کے پی حکومت اور ریلویز کے ایک اجلاس میں تعاون بڑھانے پر غور کیا گیا تھا، جس میں مضافاتی ریل سروس کو اوپن ایکسیس فریم ورک کے تحت مرحلہ وار لاگو کیا جائے گا۔