کوٹ لکھپت جیل میں پی ٹی آئی رہنماؤں کا پارٹی قیادت کو اہم خط، اختلافات ختم کرکے آگے بڑھنے کا مشورہ

پاکستان تحریک انصاف کے رہنماؤں کا اہم خط

لاہور (ڈیلی پاکستان آن لائن) کوٹ لکھپت جیل میں قید پاکستان تحریک انصاف کے رہنماؤں نے پارٹی قیادت کو اہم خط لکھا ہے جس میں انہیں اختلافات ختم کر کے آگے بڑھنے کا مشورہ دیا گیا۔

یہ بھی پڑھیں: روزانہ ریڈ بل پینے والی خاتون نے سی ٹی سکین کروایا تو ایسا انکشاف کہ پیروں تلے زمین نکل گئی

خصوصی خط میں تجاویز

اے آر وائی نیوز کے مطابق شاہ محمود قریشی، یاسمین راشد، اعجاز چوہدری، عمر سرفراز چیمہ اور محمود الرشید نے پارٹی رہنماؤں کو خط میں لکھا کہ بدلتی صورتحال پر تحریک تحفظ آئین پاکستان (ٹی ٹی اے پی) کی قیادت اور پی ٹی آئی کی سیاسی کمیٹی کو غور کرنا چاہیے تاکہ پارلیمنٹ کے مشترکہ اجلاس کے ذریعے آگے کا لائحہ عمل طے کیا جا سکے۔

یہ بھی پڑھیں: کرکٹر محمد نواز 2025 میں پاکستان ٹی 20 ٹیم کے بہترین پرفارمر بن گئے

موجودہ چیلنجز اور اقدامات

خط میں کہا گیا کہ مغربی اور مشرقی سرحد پر کشیدہ صورتحال، بلوچستان اور خیبر پختونخوا میں دہشتگردی ہے، لہٰذا داخلی سیاسی عدم استحکام سے ہونے والا بحران ملک کیلیے نقصان دہ ہو سکتا ہے۔ بیرونی خطرات سے نمٹنے کیلیے اندرونی اتحاد اور ہم آہنگی ناگزیر ہے۔

یہ بھی پڑھیں: عیدالاضحیٰ پر صحیح جانور چُننا بچوں کا کھیل نہیں ہے: جرمن سفیر

اقتصادی خدشات

سرمایہ کاری کا ارادہ رکھنے والی خلیجی ممالک کی توجہ اس وقت جوابی کارروائیوں پر ہے۔ پاکستان کے زرمبادلہ ذخائر کا بڑا حصہ دوست ممالک کی رکھوائی گئی رقوم پر مشتمل ہے۔ متحدہ عرب امارات (یو اے ای) نے رقوم سالانہ کے بجائے اب ماہانہ رول اوور کی پالیسی اختیار کی جس سے رقوم کے حصول میں مشکلات بڑھ سکتی ہیں۔

آگے کا راستہ

تیل اور گیس کی قیمتوں میں اضافہ ہمارے درآمدی بل کو بڑھا دے گا اور کرنٹ اکاؤنٹ سرپلس ختم ہو سکتا ہے۔ اسی صورتحال میں اختلافات ختم کر کے اعتماد بحال کیا جائے اور آگے بڑھا جائے۔ سیاسی جماعتیں، عسکری قیادت، عدلیہ، وکلا اور میڈیا کو مل کر آگے کا راستہ متعین کرنا ہوگا۔