دبئی، فضائی کارروائی کے دوران ملبہ گرنے سے ایک پاکستانی جاں بحق

دبئی میں فضائی کارروائی کا واقعہ

دبئی (ڈیلی پاکستان آن لائن) دبئی میں فضائی کارروائی کے دوران ملبہ گرنے سے ایک پاکستانی جان بحق ہو گیا۔

متاثرہ پاکستانی کی شناخت

گلف نیوز کے مطابق اماراتی حکام نے تصدیق کی ہے کہ دبئی کے علاقہ البرشا میں ہفتے کی شام جان بحق ہونے والا شخص پاکستانی تھا۔

حکام کی جانب سے ہدایت

امارتی حکام کا کہنا ہے کہ پاکستانی ڈرائیور میسج ملنے کے باوجود گاڑی میں موجود رہا۔ حکام نے شہریوں کو خبردار کیا ہے کہ الرٹ میسجز کو سنجیدگی سے لیں، اور الرٹ میسج کے بعد کسی قریب عمارت میں پناہ لیں۔

پچھلا واقعہ

قبل ازیں دبئی میڈیا آفس نے بتایا تھا کہ البرشا میں فضائی دفاعی کارروائی کے دوران ملبہ گرنے سے ایک گاڑی کو نقصان پہنچا تھا اور اس کے نتیجے میں ایشیائی ڈرائیور ہلاک ہوگیا۔

حملوں کی تعداد

واضح رہے کہ متحدہ عرب امارات میں حالیہ حملوں میں 2 پاکستانیوں سمیت 4 افراد مارے جاچکے ہیں۔

ایئر ڈیفنس سسٹم کی کامیابیاں

اماراتی وزارت دفاع کا کہنا ہے کہ ایرانی حملوں کی نئی لہر کے دوران یو اے ای ایئر ڈیفنس سسٹم نے 15 بیلسٹک میزائل اور 119 ڈرونز تباہ کیے۔ حکام کا کہنا تھا کہ ایئر ڈیفنس سسٹم نے 7 مارچ کو 16 بیلسٹک میزائل کی نشاندہی کی جن میں سے 15 تباہ کر دیئے گئے جبکہ ایک میزائل سمندر میں گرا۔ حکام کا کہنا تھا کہ اتھارٹی نے 121 ڈرونز کی نشاندہی کی جن میں سے 119 انٹرسپٹ کئے گئے جبکہ 2 امارات کی حدود کے اندر گرے۔