قونصل جنرل پاکستان کا جدہ ائیرپورٹ کا دورہ، عمرہ زائرین سے ملاقات
قونصل جنرل پاکستان کا جدہ ائیرپورٹ کا دورہ
جدہ (محمد اکرم اسد) قونصل جنرل پاکستان سید مصطفی ربانی نے جدہ شاہ عبدالعزیز انٹرنیشنل ائیرپورٹ کا دورہ کیا، جہاں انہوں نے عمرہ زائرین سے ملاقاتیں کیں، ان کے مسائل سنے اور انہیں ہر ممکن تعاون کی یقین دہانی کرائی۔ قونصل جنرل نے وطن واپس روانہ ہونے والے زائرین کو الوداع بھی کیا۔
یہ بھی پڑھیں: پنجاب کے سکولوں میں 46 ہزار سے زائد اساتذہ سرپلس ہونے کا انکشاف، وزیر تعلیم کا نوٹس
فضائی سفر متاثر اور ہیلپ لائنز کا قیام
مشرقِ وسطیٰ میں جاری کشیدہ صورتحال کے باعث فضائی سفر متاثر ہونے سے سعودی عرب میں موجود پاکستانی عمرہ زائرین اور مسافروں کی مدد کے لیے پاکستانی سفارتخانہ ریاض اور قونصل خانہ جدہ نے ہیلپ لائنز قائم کر دی ہیں جو چوبیس گھنٹے کام کر رہی ہیں۔
یہ بھی پڑھیں: راولپنڈی میں طوفانی بارش اور سیلابی صورتحال کے باعث خطرے کے سائرن بجا دیئے گئے، سرکاری اہلکار ہاتھ سے پرانے زمانے کے سائرن بجاتے رہے
سفارتی حکام کی جانب سے صورتحال کی نگرانی
پاکستانی سفارتخانہ ریاض اور پاکستان قونصلیٹ جنرل جدہ کے مطابق مشرقِ وسطیٰ میں جاری جنگی صورتحال کے باعث فضائی آپریشن متاثر ہوا ہے جس کے نتیجے میں کچھ پروازیں منسوخ یا تاخیر کا شکار ہوئی ہیں۔ اس صورتحال سے خاص طور پر سعودی عرب کے مغربی علاقوں میں موجود پاکستانی عمرہ زائرین متاثر ہوئے ہیں۔
یہ بھی پڑھیں: خطے کی خوشحالی مشترکہ ہدف ہے: وزیر خارجہ اسحاق ڈار کا شنگھائی تعاون تنظیم کے اجلاس سے خطاب
حکومتِ پاکستان کی ہدایات اور خصوصی ٹیمیں
حکومتِ پاکستان کی ہدایات پر مختلف ہوائی اڈوں پر خصوصی ٹیمیں تعینات کی گئی ہیں جو متاثرہ پاکستانی مسافروں کی رہنمائی اور مدد فراہم کر رہی ہیں۔ حکام کے مطابق جدہ، مکہ مکرمہ اور مدینہ منورہ میں موجود پاکستانی زائرین کی صورتحال اس وقت مستحکم ہے جبکہ اس فضائی سیکٹر میں پروازوں کی آمد و رفت زیادہ تر جاری ہے۔
یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا ؟
منسوخ پروازوں کا از سر نو شیڈول
پاکستانی سفارتخانہ اور قونصل خانہ عمرہ ٹریول ایجنسیوں اور ایئر لائنز کے ساتھ مسلسل رابطے میں ہیں تاکہ منسوخ پروازوں کو دوبارہ شیڈول کیا جا سکے اور متاثرہ زائرین کو نئی پرواز تک رہائش سمیت ضروری سہولیات فراہم کی جا سکیں۔
حالیہ اقدامات اور سہولیات کی فراہمی
ترجمان کے مطابق گزشتہ دو روز کے دوران سعودی عرب کے مختلف ہوائی اڈوں پر تقریباً ایک سو ساٹھ پھنسے ہوئے پاکستانی مسافروں کو سہولت فراہم کی جا چکی ہے جبکہ سفارتی مشنز صورتحال پر مسلسل نظر رکھے ہوئے ہیں اور ضرورت پڑنے پر مزید ہدایات جاری کی جائیں گی۔
