سندھ میں پاکستان کا پہلا ڈیجیٹل انشورنس مانیٹرنگ سسٹم فعال، گاڑی کی تھرڈ پارٹی انشورنس لازمی قرار

تھرڈ پارٹی انشورنس کی لازمی شرط

کراچی (آئی این پی) حکومت سندھ نے صوبے میں ہر گاڑی کی تھرڈ پارٹی انشورنس کو لازمی قرار دے دیا ہے۔ ترجمان وزیراعلی سندھ کا کہنا ہے کہ بغیر انشورنس نہ تو گاڑی رجسٹرڈ ہوگی اور نہ ہی ٹوکن ٹیکس جمع ہوسکے گا۔

یہ بھی پڑھیں: یونیسکو کا پاکستان میں میڈیا اینڈ انفارمیشن لٹریسی کی حکمت عملی پر مشاورت کا آغاز

مالی معاوضے کی تفصیلات

حادثے میں جاں بحق افراد کے ورثا کو 7 لاکھ اور معذوری کی صورت میں 5 لاکھ روپے معاوضہ ملے گا۔ وزیراعلی سندھ نے گاڑیوں کے لیے نو فالٹ معاوضہ سسٹم کی منظوری دے دی ہے۔

یہ بھی پڑھیں: سرور شاہدہ ریسرچ انسٹی ٹیوٹ آف کارڈیو ویسکولر سائنس ٹرسٹ کی لینڈ سائٹ پر تقریب کا انعقاد

ڈیجیٹل انشورنس مانیٹرنگ سسٹم

پاکستان کا پہلا جدید ڈیجیٹل انشورنس مانیٹرنگ سسٹم سندھ میں فعال ہوگیا ہے۔ ترجمان وزیراعلی سندھ کا کہنا ہے کہ سندھ موٹر وہیکل آرڈیننس میں ترمیم کے بعد نئی دفعہ کا اضافہ کیا گیا ہے تاکہ ٹریفک حادثات کے متاثرین کو مالی تحفظ فراہم کیا جا سکے۔

یہ بھی پڑھیں: غزہ جنگ ختم اور ایران پر حملے کی دھمکیاں بند کرو، ٹرمپ نے نیتن یاہو کو دوٹوک پیغام دے دیا

قانون کی عملداری

مراد علی شاہ کا کہنا ہے کہ محکمہ ایکسائز کو قانون پر سختی سے عملدرآمد یقینی بنانے کی ہدایت کی گئی ہے، اور گاڑیوں کی منتقلی کے لیے ویلڈ انشورنس پالیسی ہونا بھی لازمی ہوگا۔

یہ بھی پڑھیں: قاہرہ اور لندن کے عجائب گھروں میں مقبرے سے نکلنے والے نوادرات موجود ہیں جو اتنی بڑی تعدادمیں ہیں کہ اپنا ایک علیٰحدہ عجائب گھر بن سکتا ہے.

روڈ سیفٹی اور صارفین کے حقوق

وزیراعلی سندھ نے کہا کہ روڈ سیفٹی اور صارفین کے حقوق کے تحفظ کے لیے یہ اقدام ایک اہم سنگ میل ہے۔ تھرڈ پارٹی انشورنس کا قانون حادثات کے متاثرہ غریب خاندانوں کے لیے بڑا سہارا ثابت ہوگا، جس سے متاثر افراد کو فوری مالی ریلیف ملے گا۔

آگاہی مہم

وزیراعلی سندھ نے کہا کہ عوام کو اس نئے قانون کے فوائد سے آگاہ کرنے کے لیے آگاہی مہم چلائی جائے گی۔ ٹیکس کلیکشن کے ساتھ ساتھ عوام کو بہتر سروسز فراہم کرنا ہمارا اصل مقصد ہے۔