مضبوط دفاع مضبوط معیشت سے بہتر ہے، سردار عتیق

پاکستان کا مضبوط دفاع اور معیشت

جدہ (محمد اکرم اسد) ملک کا مضبوط دفاع مضبوط معیشت سے بہتر ہے۔ پاکستان نے اس کا ثبوت گزشتہ سال مئی میں بھارت کے ساتھ بنیان مرصوص کے معرکے میں دیا ہے۔ موجودہ علاقائی صورتحال تشویشناک ہے۔ پاکستان اور سعودی عرب کا دفاعی معاہدہ اہمیت کا حامل ہے۔ پاکستانی اور کشمیری کمیونٹی کو سعودی عرب کی سرزمین کی حفاظت کے لیے اپنے آپ کو رضاکارانہ طور پر تیار کرنا ہوگا۔ ان خیالات کا اظہار سابق وزیراعظم آزادکشمیر اور صدر آل جموں و کشمیر مسلم کانفرنس سردار عتیق احمد خان نے یہاں صدر مسلم کانفرنس سعودی عرب سردار اشفاق خان کی جانب سے اپنے اعزاز میں دئیے گئے افطار ڈنر سے خطاب کرتے ہوئے کیا۔ وہ ان دنوں عمرہ کی ادائیگی کے لئے یہاں موجود ہیں۔

یہ بھی پڑھیں: دیور نے بیوی کے ساتھ مل کر بھابی کو قتل کردیا، لاش کے ساتھ کیا سلوک کیا؟ جان کر روح کانپ اٹھے

ملک کی مضبوط معیشت اور قوم کی خدمات

انھوں نے شرکاء تقریب سے خطاب کرتے ہوئے کہا کہ ہمارے دیرینہ ساتھی سردار عبداللطیف عباسی اور سردار اعظم خان عظیم انسان تھے، کمیونٹی کے لیے ان کی عظیم خدمات ہیں۔ ان کی کمی ہمیشہ محسوس کی جاتی رہے گی۔ موجودہ علاقائی صورتحال کا ذکر کرتے ہوئے انھوں نے کہا کہ خطے کی کشیدہ صورتحال اچھی نہیں، امت مسلمہ اس وقت مشکل دور سے گزر رہی ہے۔ ہم قرب قیامت کی طرف بڑھ رہے ہیں، اچھے وقت گزر گئے ہیں۔

یہ بھی پڑھیں: پاکستان مسلم لیگ (ن) جرمنی کی جانب سے وفاقی وزیرِ دفاع خواجہ محمد آصف کے اعزاز میں عشائیہ

دفاعی معاہدے کی اہمیت

انہوں نے کہا کہ کسی بھی ملک کا مضبوط دفاع اس کی مضبوط معیشت سے بہتر ہے، اس کا اندازہ موجودہ صورتحال سے لگایا جا سکتا ہے۔ اس کے علاوہ، اس کا عملی مظاہرہ پاکستان نے بھارت کو گزشتہ مئی میں بنیان مرصوص معرکے میں شکست فاش دے کر کیا ہے۔ انھوں نے کہا کہ یہ ایک بہت اچھی بات ہے کہ پاکستان اور سعودی عرب کے درمیان دفاعی معاہدہ ہوا ہے، اور پاکستان کو یہ اعزاز حاصل ہوا ہے کہ حرمین کی سیکیورٹی ان کے ذمے آئی ہے۔ اس سے بڑھ کر سعادت کی کیا بات ہو سکتی ہے؟ سعودی عرب میں بسنے والے کشمیری اور پاکستانی ذہنی طور پر اپنے آپ کو تیار رکھیں۔ انھوں نے سعودی عوام اور سعودی سرزمین کی حفاظت کے لیے رضا کار کے طور پر کام کرنے کی تجویز دی۔ جہاں ضرورت پڑے گی، وہ جان کی بازی لگانے کے لیے حاضر ہوں گے۔

یہ بھی پڑھیں: سعودی عرب میں حج کے دوران 18 پاکستانی حجاج وفات پاگئے

کشمیر کی قربانیوں کا ذکر

سردار عتیق نے کہا کہ کشمیر میں دی جانے والی قربانیاں رائیگاں نہیں جائیں گی۔ یہ فطرت کے اصولوں کے خلاف ہے کہ جتنی قربانیاں اور مصائب ایک قوم نے جھیلے ہیں، ان کی منزل انھیں نہ ملے۔ کشمیر میں ظلم کی سیاہ رات ایک نہ ایک دن ختم ہو گی۔ کشمیری مضبوط اور توانا پاکستان کے لیے دعاگو ہیں، جس کی بدولت کشمیر کی آزادی کا خواب شرمندہ تعبیر ہوگا۔

تقریب کی اختتام اور دعا

تقریب سے خطاب کرتے ہوئے میزبان تقریب سردار اشفاق خان، صدر مسلم کانفرنس سعودی عرب، نے سردار عتیق احمد خان کو عمرے کی سعادت پر مبارکباد پیش کی اور ان کا شکریہ ادا کیا کہ انھوں نے اپنے مصروف شیڈول میں سے وقت نکال کر تقریب میں شرکت کی۔ چئیرمین جموں کشمیر کمیونٹی اوورسیز جدہ انجینئیر عارف مغل نے شرکاء تقریب اور مہمان خصوصی کا شکریہ ادا کیا۔ تقریب میں کشمیر، پاکستان سے مختلف مکتبہ فکر سے تعلق رکھنے والے احباب نے کثیر تعداد میں شرکت کی۔ مہمان خصوصی نے عشائیہ کے بعد میڈیا سے تعلق رکھنے والے احباب کو بھی وقت دیا اور ان سے خصوصی گفتگو کی۔

تقریب کے اختتام پر کشمیر، پاکستان اور امت مسلمہ کے لیے دعا کی گئی۔