پیٹرول کی قیمتوں میں اضافہ سنگین حالات کے اثرات میں سے ایک ہے، مشرف زیدی

وزیر اعظم کے ترجمان کا بیان

اسلام آباد (ڈیلی پاکستان آن لائن) وزیر اعظم کے ترجمان برائے بین الاقوامی میڈیا مشرف زیدی کا کہنا ہے کہ پیٹرولیم مصنوعات کی قیمتوں میں اضافہ سنگین حالات کے اثرات میں سے ایک ہے۔

یہ بھی پڑھیں: افتخار ہمدانی کی ہمشیرہ سیدہ فرحت جبین کے سانحہ ارتحال پر باہی عجمان پیلس میں ایک تعزیتی ریفرنس کا انعقاد

خطے کی کشیدہ صورتحال

نجی ٹی وی چینل جیو نیوز کے مطابق اپنے ایک بیان میں مشرف زیدی نے کہا کہ ایران پر اسرائیلی حملے اور خطے میں دیگر برادر ممالک پر حملوں کی وجہ سے سنگین معاشی چیلنجز کا سامنا ہے۔

یہ بھی پڑھیں: پاکستان میں فائیو جی اسپیکٹرم کی نیلامی کا باقاعدہ آغاز کردیا گیا۔

ہنگامی اقدامات کی ہدایت

مشرف زیدی نے یہ بھی کہا کہ پیٹرولیم مصنوعات کی قیمتوں میں اضافہ سنگین حالات کے اثرات میں سے ایک ہے، وزیر اعظم نے وسائل کے تحفظ اور پبلک سیکٹر میں کفایت شعاری کیلئے ہنگامی اقدامات کی ہدایت کی ہے۔

یہ بھی پڑھیں: پاکستان تحریک انصاف اندرونی خلفشار کا شکار، حقائق سامنے آنے لگے

کفایت شعاری اقدامات

یاد رہے وزیر اعظم شہباز شریف نے خطے کی کشیدہ صورتحال کے باعث کفایت شعاری اقدامات کا اعلان کیا ہے۔

یہ بھی پڑھیں: راولپنڈی میں زیادتی کے درجنوں مقدمات میں مطلوب ملزم اپنے انجام کو پہنچ گیا

ایندھن میں کمی

وزیر اعظم نے کہا آئندہ 2 ماہ کے لیے سرکاری محکموں کی گاڑیوں کو ملنے والے ایندھن میں 50 فیصد کمی کی جا رہی ہے جس سے ایمبولینسز اور عوامی استعمال کی بسیں مستثنیٰ ہوں گی۔

گاڑیوں کی گراؤنڈنگ

وزیر اعظم کے مطابق آئندہ دو ماہ کے لیے تمام سرکاری محکموں کی 60 فیصد سرکاری گاڑیاں گراؤنڈ کی جا رہی ہیں، جبکہ کابینہ کے تمام ارکان، وزرا، مشیر، معاونین رضاکارانہ طور پر 2 ماہ کی تنخواہ نہیں لیں گے۔ اسی طرح ارکان پارلیمنٹ کی تنخواہوں میں بھی 25 فیصد کٹوٹی کی جا رہی ہے۔