سندھ میں ہر ایسے کیس کی تحقیقات ڈی ایس پی سراج الدین لاشاری سے کرائی جاتی ہے، وفاقی آئینی عدالت کے تہرے قتل کیس میں ریمارکس

تہرے قتل کیس کی سماعت

اسلام آباد(ڈیلی پاکستان آن لائن) تہرے قتل کیس میں جسٹس حسن اظہر رضوی نے دوران سماعت ریمارکس دیتے ہوئے کہا کہ سندھ میں ہر ایسے کیس کی تحقیقات ڈی ایس پی سراج الدین لاشاری سے کرائی جاتی ہے۔

یہ بھی پڑھیں: پانی 24 کروڑ پاکستانیوں کی لائف لائن ہے، تنازعات کا پرامن حل پائیدار عالمی امن کی ضمانت ہے: اسحاق ڈار

ڈی ایس پی لاشاری کی رپورٹ

نجی ٹی وی چینل دنیا نیوز کے مطابق وفاقی آئینی عدالت میں تہرے قتل کیس کی سماعت کے دوران وکیل نے کہا کہ ملزمان کے خلاف ڈی ایس پی کی نئی رپورٹ عدالت نے تسلیم نہیں کی، جبکہ ڈی ایس پی سراج الدین لاشاری نے رپورٹ میں کچھ ملزمان کو بے گناہ قرار دیا۔

یہ بھی پڑھیں: پاکستان کی جانب سے ایشیا کپ کیلئے ہاکی ٹیم کو بھارنے نہ بھیجنے امکان

عدالت کے ریمارکس

جسٹس حسن اظہر رضوی نے فرمایا کہ سندھ میں ہر ایسے کیس کی تحقیقات سراج الدین لاشاری سے کرائی جاتی ہے، اور ایف آئی آر میں تمام 13 ملزمان نامزد ہیں۔ انہوں نے مزید کہا کہ تہرے قتل کے ملزمان کو عدالت تحفظ نہیں دے سکتی، اس کیس میں ملزمان مفرور بھی ہیں۔

آئندہ سماعت کا حکم

عدالت نے آئندہ سماعت پر وکیل کو متعلقہ عدالتی ریکارڈ پیش کرنے کا حکم دے دیا۔ جسٹس حسن اظہر رضوی کی سربراہی میں 2 رکنی بنچ نے سماعت کی۔